كورەيا رەسپۋبليكاسىندا 22 جەلتوقسان كۇنى كوروناۆيرۋسقا شالدىققان 109 ادام قايتىس بولدى, بۇل – ەڭ جوعارى تاۋلىكتىك كورسەتكىش, دەپ حابارلايدى Egemen.kz.
بۇل تۋرالى YONHAP اگەنتتىگى ءمالىم ەتتى.
كورەيانىڭ اۋرۋلاردى باقىلاۋ جانە الدىن الۋ اگەنتتىگىنىڭ (KDCA) دەرەكتەرى بويىنشا, ەلدە تاعى 6 919 ۆيرۋس جۇقتىرۋ جاعدايى (6 856-سى – جەرگىلىكتى) تىركەلىپ, ۆيرۋس جۇقتىرعاندار سانى 589 978-گە جەتتى.
سەيسەنبى كۇنى كورسەتكىش 5 202 بولعان, ال سارسەنبى كۇنى 7 456 جۇقتىرۋ جاعدايى تىركەلگەن. بەيسەنبى كۇنى جۇقتىرۋ جاعدايى ازايدى. قاراشانىڭ سوڭىنان باستاپ 4-7 مىڭ جۇقتىرۋ جاعدايى تىركەلىپ وتىرعان.
KDCA حابارلاۋىنشا, 1 083 ناۋقاستىڭ جاعدايى اۋىر, ونىڭ الدىنداعى رەكورد سارسەنبى كۇنگى 1 063 بولعان. ەلدە ءبىر تاۋلىكتىڭ ىشىندە 109 ادام ۆيرۋستان كوز جۇمدى, سالدارىنان ءولىم سانى 5 015-كە جەتتى. وسىلايشا, وڭتۇستىك كورەيادا ءولىم ۇلەسى 0,85% بولىپ وتىر.