كەزدەسۋ بارىسىندا پرەزيدەنتكە بيىلعى اتقارىلعان جۇمىس قورىتىندىلارى, كوروناۆيرۋس پاندەمياسىنىڭ وتاندىق بيزنەسكە تيگىزگەن اسەرى تۋرالى باياندالدى, دەپ حابارلايدى Egemen.kz.
رۋستام ءجۇرسىنوۆتىڭ ايتۋىنشا, وسى جىلى بيزنەس-ومبۋدسمەننىڭ كەڭسەسىنە 3912 ءوتىنىش تۇسكەن. بۇل بىلتىرعى وسى كەزەڭمەن سالىستىرعاندا 15 پايىزعا از. 1463 ءوتىنىش كاسىپكەرلەردىڭ پايداسىنا شەشىلگەن. نەگىزىنەن ساتىپ الۋلارعا, جەرگە, سالىقتارعا, قۇرىلىسقا قاتىستى ماسەلە ءجيى كوتەرىلگەن.
قاسىم-جومارت توقاەۆقا «باسىنان باستاپ» رەتتەۋ تەتىگىن ەنگىزۋ جونىندەگى تاپسىرماسىنىڭ ورىندالۋ بارىسى تۋرالى مالىمەت بەرىلدى. جاڭا رەتتەۋ ساياساتىنىڭ بازالىق تاسىلدەرىن بەلگىلەيتىن ءتيىستى زاڭ جوباسى پارلامەنت سەناتىنىڭ قاراۋىندا جاتىر.
2024 جىلدىڭ 1 قاڭتارىنا دەيىن بيزنەسكە قاتىستى مىندەتتى بۇرىنعى تالاپتاردىڭ ءبارى تەكسەرىلەدى. اتالعان شارالاردىڭ تۇپكى ماقساتى – مەملەكەت پەن بيزنەس اراسىنداعى قاتىناستاردى تولىقتاي تسيفرلاندىرۋ.
مەملەكەت باسشىسى قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل جۇمىسىنىڭ قورىتىندىلارىن وڭ باعالاپ, بيزنەسكە قاتىستى اكىمشىلىك قۇقىق بۇزۋشىلىقتاردىڭ كوبەيۋ سەبەپتەرىن انىقتاۋ جانە ولاردى جويۋ ءۇشىن شارالار ازىرلەۋ جونىندە بىرقاتار تاپسىرما بەردى.