«ارحيۆ-2025» جوباسىن ىسكە اسىرۋ بويىنشا كەشەندى جوسپاردى ورىنداۋ اياسىندا قر پرەمەر-ءمينيسترىنىڭ ورىنباسارى ەرالى توعجانوۆ پەن مادەنيەت جانە سپورت ءمينيسترى اقتوتى رايىمقۇلوۆانىڭ قاتىسۋىمەن قر ۇلتتىق ءارحيۆى جانىنداعى مەملەكەتتىك جانە ۆەدومستۆولىق ارحيۆتەر قىزمەتكەرلەرىنىڭ بىلىكتىلىگىن ارتتىرۋ ورتالىعىنىڭ اشىلۋى ءوتتى, دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.
سالتاناتتى شاراعا مەملەكەت جانە قوعام قايراتكەرلەرى, دەپۋتاتتار, عالىمدار, مۇراعات سالاسىنىڭ قىزمەتكەرلەرى مەن باق وكىلدەرى قاتىسىپ, ورتالىق قىزمەتىنىڭ نەگىزگى باعىتتارىمەن, تاۋەلسىز قازاقستاننىڭ دامۋ تاريحىن اشاتىن فوتوقۇجاتتىق ەكسپوزيتسيالارمەن تانىستى.
ەرالى توعجانوۆ قۇتتىقتاۋ سوزىندە ارحيۆ سالاسىن جەتىلدىرۋ, مەملەكەتتىك جانە ۆەدومستۆولىق ارحيۆتەردىڭ فۋنكتسيالارىن اۆتوماتتاندىرۋ بويىنشا اقپاراتتىق تەحنولوگيالاردى ەنگىزۋ بويىنشا قابىلدانعان شارالار تىزبەگىن اتاپ ءوتتى.
سونداي-اق, پرەمەر-ءمينيستردىڭ ورىنباسارى «مۇراعاتشى» ماماندىعىنىڭ بەدەلىن ارتتىرۋ, كاسىبي كادرلاردى تارتۋ ماقساتىندا مەملەكەت جىل سايىن جالاقىنى كوتەرۋ, ءدۋالدى ءبىلىم بەرۋ, «بولاشاق» حالىقارالىق ستيپەندياسىن تاعايىنداۋ ىسپەتتەس شارالار كەشەنىن قابىلدانعانىنا توقتالا كەتتى.
مادەنيەت جانە سپورت ءمينيسترى اقتوتى رايىمقۇلوۆا مۇراعات سالاسى كادرلارىنىڭ بىلىكتىلىگىن ارتتىرۋ جانە قايتا دايارلاۋ, ونىڭ ىشىندە رەستاۆراتور, عىلىمي-تەحنيكالىق جانە اۋديوۆيزۋالدى قۇجاتتاردى وڭدەۋ سياقتى تار ماماندىقتار بويىنشا العاش رەت اشىلعان ورتالىقتىڭ ماڭىزدىلىعىن اتاپ ءوتتى.