«سەربيا پوشتا» ااق باس ديرەكتورى زوران دجوردجەۆيچ قازاقستاننىڭ سەربياداعى ەلشىسى ءمادي اتامقۇلوۆقا قازاقستان رەسپۋبليكاسى تاۋەلسىزدىگىنىڭ 30 جىلدىعى جانە قازاقستان مەن سەربيا اراسىنداعى ديپلوماتيالىق قاتىناستاردىڭ ورناعانىنا 25 جىل تولۋىنا وراي ەستەلىك پوشتا ماركاسىن ۇسىندى, دەپ حابارلايدى Egemen.ءkz سىم ءباسپاسوز قىزمەتى تاراتقان اقپاراتقا سىلتەمە جاساپ.
مەرەيتويلىق شىعارىلىم كونۆەرتتەن جانە پوشتا بلوگىنان تۇرادى. كونۆەرتتە بەلگرادتاعى قالەمەگدان بەكىنىسىندە ورنالاسقان جەڭىمپازعا ەسكەرتكىش جانە نۇر-سۇلتاندا ورنالاسقان, ەلىمىزدىڭ تاۋەلسىزدىگىن بەينەلەيتىن «قازاق ەلى» مونۋمەنتى بەينەلەنگەن.
پوشتا بلوگىندا ەكى ەلدىڭ استانالارى, سونداي-اق قازاقستاننىڭ (ۇلكەن الماتى كولى مەن شارىن شاتقالى) جانە سەربيانىڭ (ۋۆاتس وزەنى مەن دجاۆول ۆاروش جارتاستارى) اسەم كورىنىستەرى بەينەلەنگەن.
قازاقستان ەلشىلىگى باستاماشى بولعان ماركانىڭ شىعارىلىمىن جۇزەگە اسىرۋ كەزىندە فيلاتەليا قاعيدالارى مەن سەربيا پوچتاسىنىڭ ستاندارتتارى ەسكەرىلدى.