قازاقستاندىق بوكسشى باتىر جۇكەمباەۆ (18-1, 14 كو) كاسىپقوي بوكستاعى العاشقى جەڭىلىسىنەن كەيىن اراعا جارتى جىل سالىپ, رينگكە ورالدى, دەپ حابارلايدى Egemen.kz Sports.kz سايتىنا سىلتەمە جاساپ.
ول كانادانىڭ مونرەال قالاسىندا وتكەن كەشتە مەكسيكالىق حۋان حوسە مارتينەس الۆارەسپەن (28-10, 20 كو) قولعاپ ءتۇيىستىردى.
ءبىرىنشى جارتىلاي ورتا سالماقتاعى ايقاس 6 راۋندقا ەسەپتەلگەن بولاتىن جانە ول جۇكەمباەۆتىڭ جەڭىسىمەن اياقتالدى.
قازاقستاندىق بوكسشى جەكپە-جەكتىڭ العاشقى مينۋتىندا-اق قارسىلاسىن الدىمەن, نوكداۋنعا, ىلە-شالا نوكاۋتقا جىبەردى. وسىلايشا, ب.جۇكەمباەۆ كاسىپقوي بوكستاعى 19-ىنشى جەڭىسىنە قول جەتكىزىپ, بيىلعى مامىردا پۋەرتوريكولىق سابريەل ماتياستان (17-1, 17 كو) بولعان جەڭىلىسىن «جاپتى». ول كەزدە جۇكەمباەۆ 8-ءىنشى راۋندتان كەيىن ايقاستى جالعاستىرۋدان باس تارتقان ەدى.
حۋان حوسە مارتينەسكە كەلسەك, بۇل ونىڭ پروفيبوكس مانسابىنداعى 11-ءىنشى جەڭىلىسى.