2021 جىلدىڭ 17 جەلتوقسانىندا Wizz Air Abu Dhabi اۋە كومپانياسىنىڭ الماتى – ابۋ-دابي باعىتى بويىنشا جاڭا حالىقارالىق رەيسىنىڭ اشىلۋ سالتاناتى ءوتتى, دەپ حابارلايدى Egemen.kz.
اشىلۋ سالتاناتىنا ازاماتتىق اۆياتسيا كوميتەتىنىڭ توراعاسى تالعات لاستاەۆ, سونداي-اق قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى ماديار مەڭىلبەكوۆ, Wizz Air كومپانياسىنىڭ باسقارۋشى ديرەكتورى ابۋ-دابي كيس ۆان شايك, قازاقستانداعى ۋاقىتشا سەنىمدى وكىل جانە ت. ب ازاماتتار قاتىستى. ۇشۋلار اۋە كومپانيانىڭ سايتىندا جاريالانعان كەستەگە سايكەس, سونداي-اق سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ, دۇيسەنبى جانە جۇما كۇندەرى A320/321NEO ۇشاقتارىندا اپتاسىنا 2 رەيس جيىلىگىمەن ورىندالادى.ءبىر جاقتى اۋە بيلەتى تاڭدالعان كۇنگە بايلانىستى ءبىر باعىتقا 50 ەۋرودان باستالادى.قازىرگى ۋاقىتتا اۋە كومپانياسى 15 باعىت بويىنشا حالىقارالىق رەيستەردى ورىندايدى: رەسەي (ماسكەۋ, كراسنودار), ۋكراينا (كيەۆ, ودەسسا), ومان (ماسكات), باحرەين (ماناما), ەگيپەت (سوحاگ, الەكساندريا), يزرايل (تەل-اۆيۆ), گرەكيا ( افينا), گرۋزيا (كۋتايسي), سەربيا (بەلگراد), ارمەنيا (ەرەۆان), ءازىربايجان (باكۋ), البانيا (تيرانا), بوسنيا جانە گەرتسەگوۆينا (ساراەۆو).اۋە كومپانياسى ءوزىنىڭ مارشرۋتتىق جەلىسىن ۇدايى كەڭەيتىپ وتىرادى, بۇل قازاقستاندىق جولاۋشىلارعا جاڭا باعىتتارعا قولجەتىمدى باعامەن جەتۋگە مۇمكىندىك بەرەدى.
جاڭا اۋە باعىتى قازاقستان تۇرعىندارى مەن قوناقتارىنا Wizz Air Abu Dhabi ۇسىناتىن بارلىق جەڭىلدىكتەر مەن قىزمەتتەردى پايدالانۋعا مۇمكىندىك بەرەدى.