تاراز قالاسى اكىمىنىڭ بۇرىنعى ورىنباسارى گرۋزيادا ۇستالدى

«جامبىل وبلىسى بويىنشا اۋماقتىق دەپارتامەنت قر قك-ءنىڭ 189-بابىنىڭ 4-بولىگى 2-تارماعىنىڭ, 362-بابىنىڭ 4-بولىگىنىڭ 3-تارماعىندا كوزدەلگەن سىبايلاس جەمقورلىق قىلمىسىن جاساۋ كۇدىگىمەن تاراز قالاسى اكىمىنىڭ بۇرىنعى ورىنباسارى ق.ا. سارىتايعا حالىقارالىق ىزدەۋ جاريالادى.

حالىقارالىق ىنتىماقتاستىق اياسىنداعى جەدەل-ىزدەستىرۋ ءىس-شارالارىنىڭ ناتيجەسىندە گرۋزيانىڭ قۇقىق قورعاۋ ورگاندارى سىبايلاس جەمقورلىققا قارسى قىزمەتپەن جانە قازاقستان رەسپۋبليكاسى ءىىم ينتەرپول ۇوب – مەن بىرلەسىپ ك.ا.سارىتاي گرۋزيا اۋماعىندا ۇستالىپ, قاماۋعا الىندى», دەلىنگەن حابارلامادا.

انتيكوردىڭ ايتۋىنشا, قازىر ۇستالعان ادامدى قازاقستان رەسپۋبليكاسىنا ەكستراديتسيالاۋ ءراسىمى ءجۇرىپ جاتىر.

سىبايلاس جەمقورلىققا قارسى ءىس-قيمىل اگەنتتىگى قىلمىستىق قۋدالاۋ ورگانىنان جاسىرىنعان ادامداردى ىزدەستىرۋگە ەرەكشە نازار اۋدارادى.

ولاردىڭ كوپشىلىگى قازاقستاندىق سوت تورەلىگى ءۇشىن قول جەتىمسىز بولۋ شارالارىن قابىلدايدى جانە ەلدەن تىس جەرلەردە جاسىرىنىپ ءجۇر.