* استانادا بيىل گەولوگيالىق زەرتتەۋ ورتالىعى سالىنادى. ونىڭ قۇرىلىسى جىلدىڭ سوڭىنا قاراي باستالادى. يندۋستريا جانە جاڭا تەحنولوگيالار ۆيتسە-ءمينيسترى نۇرلان ساۋرانباەۆتىڭ ايتۋىنشا, ورتالىق ءوز الدىنا گەولوگيالىق كلاستەر رەتىندە قالىپتاسادى.
* «قازاگرو» ۇلتتىق باسقارۋشى حولدينگى» 100 ملن. اقش دوللارى كولەمىندە جەڭىلدەتىلگەن نەسيە تارتتى. ول ەلىمىزدەگى اگروونەركاسىپ كەشەنىن قارجىلاندىرۋدى جۇزەگە اسىرۋعا, حولدينگتىڭ اينالىم كاپيتالىن تولىقتىرۋعا باعىتتالادى. جاسالعان مامىلە مەملەكەتتىك باعدارلامالاردى قولداۋ ماقساتىندا «قازاگرو» مەن حالىقارالىق بانكتەر اراسىندا قىزمەتتەستىكتىڭ كورنەكى مىسالى بولىپ تابىلادى.
*پاۆلوداردا «بيزنەستىڭ جول كارتاسى-2020» باعدارلاماسى اياسىندا 12 جوبا ماقۇلداندى. مۇنى بايانداعان «دامۋ» قورى ايماقتىق فيليالىنىڭ باس مەنەدجەرى ايگۇل الىبەكوۆا جوبالاردىڭ جالپى سوماسى 1 ملرد. تەڭگەنى قۇرايتىنىن ايتتى. ولاردىڭ اراسىندا جۇك تاسىمالدارىن ۇيىمداستىرۋ, جيھاز ءوندىرىسى, سپورت سالاسىندا قىزمەت كورسەتۋ بار.
*الماتىدا مەرەكە قارساڭىندا 80 ايەل باسپانالى بولدى. ولاردىڭ كىلتتەرىن حالىقارالىق ايەلدەر كۇنىنە ارنالعان شارادا تاپسىرعان قالا اكىمى احمەتجان ەسىموۆ «قولجەتىمدى باسپانا-2020» باعدارلاماسى اياسىندا اتقارىلىپ جاتقان جۇمىستارعا توقتالىپ ءوتتى.
*2013 جىلى رەسپۋبليكالىق بيۋدجەت كiرiسiندەگi شيكiزاتتىق ەمەس سەكتوردىڭ ۇلەسi 76 پايىزعا جۋىقتادى. وتكەن جىلعى كiرiستiڭ 75,8 پايىزى شيكiزاتتىق ەمەس سەكتورعا تيەسىلى بولدى. بۇل 2012 جىلمەن سالىستىرعاندا, 2,3 پايىزعا جوعارى.
*قىزىلوردانىڭ كوپقاباتتى ۇيلەرىنە تۇڭعىش رەت ىستىق سۋ بەرىلدى. وبلىس اكىمى قىرىمبەك كوشەرباەۆتىڭ ەكى جىل ىشىندە بۇل پروبلەمانى شەشۋ جونىندەگى ۋادەسىنىڭ باسى وسىلاي جۇزەگە اسا باستادى. وبلىس ورتالىقتارى اراسىندا ىستىق سۋى جوق جالعىز شاھار سانالىپ كەلگەن ەلدى مەكەندە ازىرگە بۇل يگىلىكتى قاناتقاقتى جوبا نەگىزىندە 40 پاتەرلى ەكى ءۇي كورە باستادى. قازىر وبلىس ورتالىعىن تولىق ىستىق سۋمەن قامتۋ ءۇشىن 45 ملن. تەڭگەگە تەحنيكالىق-ەكونوميكالىق نەگىزدەمە دايىندالۋدا.
*قوستانايدا كولىك جۇرگىزەتىن بويجەتكەندەردىڭ بايقاۋى وتكىزىلدى. وسىمەن قاتارىنان التىنشى جىل پوليتسەيلەر ۇيىمداستىرىپ كەلە جاتقان كونكۋرستىڭ قورىتىندىسىندا 10 باسەكەلەستىڭ اراسىندا ولگا كيم ەسىمدى ارۋ جەڭىمپاز اتاندى.
*باتىس قازاقستاندا بەس اۋىل اكىمىنىڭ ءۇستىنەن قىلمىستىق ءىس قوزعالدى. وبلىستىڭ ءجانىبەك اۋدانىندا ورىن العان بۇل وقيعا بيۋدجەت قارجىسىن ىسىراپ ەتۋدىڭ نەگىزىندە ورىن الىپ وتىر.
BNews.kz, Nur,kz, Egemen.kz
حابارلارى بويىنشا دايىندالدى.