تۇركىستان وبلىسىندا اكىمدىك قىزمەتكەرى جالعان قۇجات جاساپ, ءىستى بولدى, دەپ حابارلايدى Egemen.kz .
بۇل تۋرالى Polisia.kz سايتى جازادى.
ءمالىم بولعانداي, سوزاق اۋدانىنىڭ پوليتسيا بولىمىنە اۋدان اكىمدىگىنەن حابارلاما تۇسكەن. وندا اۋدان اكىمشىلىگىندە زاڭسىز قاۋلىلار ەنگىزىلگەنى, سونىڭ زاڭدىلىعىن تەكسەرۋ قاجەتتىگى كورسەتىلگەن.
«اقپارات الىسىمەن سوزاقتىق پوليتسيا قىزمەتكەرلەرى جان-جاقتى تەكسەرۋ جۇمىستارىن جۇرگىزدى. ءتارتىپ ساقشىلارى جۇرگىزگەن جەدەل-ىزدەستىرۋ ءىس-شارالارىنىڭ بارىسىندا قىزمەت بابىن نەگىزسىز پايدالانۋ ارقىلى قۇجاتتاردى قولدان جاساپ, وتكىزۋمەن اينالىسقان سوزاق اۋداندىق اكىمدىگىنىڭ مەملەكەتتىك قىزمەتشىسى انىقتالدى. ەر ادام پوليتسيا بولىمشەسىنە جەتكىزىلدى», دەلىنگەن اقپاراتتا.
بەلگىلى بولعانداي, كۇدىكتى رەتىندە تانىلعان ەر ادام مەملەكەت ەسەبىنەن تۇرعىن ءۇي ساتىپ الۋعا بيۋدجەتتىك نەسيە بەرۋ تۋرالى جالعان قۇجاتتار جاساعان.
«پوليتسەيلەر اتالعان جايتتى قك 385-بابى (جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ) بويىنشا تىركەپ, سوتقا دەيىنگى تەرگەۋ امالدارىنا كىرىستى. ءتيىستى ساراپتامالار تاعايىندالدى. قازىرگى تاڭدا وقيعانىڭ تولىق ءمان-جايى انىقتالۋدا», دەلىنگەن پوليتسيا حابارلاماسىندا.