قازاقستان قۇراماسى جولداستىق ويىندا وزبەكستاندى جەڭدى

ويىننىڭ العاشقى تايمى تەڭ اياقتالدى. قازاقستان قۇراماسى ويىنشىلارى بىرنەشە شابۋىل ۇيىمداستىرعانىمەن, ەسەپ اشا المادى. ۇلتتىق قۇراما ساپىندا العاش رەت ويناعان جاس ورەن عازيز ناعاشىبايدىڭ دا ەسەپ اشاتىن مۇمكىندىگى بولدى. 

ەكىنشى تايمدا قازاقستان قۇراماسىنىڭ ويىنشىسى ارنولد كناۋب ەسەپ اشتى. سالدەن سوڭ دۋگلاس ەسەپتى ەسەلەي ءتۇستى - 2:0.

وزبەكستان قۇراماسى ماتچ سوڭىنا قاراي الاڭعا بەسىنشى ويىنشىنى شىعارىپ, ەسەپ ايىرماسىن قىسقارتتى. ويىننىڭ سوڭعى سەكۋندتارىندا قازاقستان قۇراماسىنىڭ كاپيتانى يگيتا ۇلتتىق قۇراما ساپىنداعى مەرەيتويلى ونىنشى گول سوعىپ, ارەناعا جينالعان حالىقتى قۋانتىپ تاستادى. 

ەرتەڭ ءدال وسى ارەنادا قازاقستان مەن وزبەكستان قۇرامالارى ەكىنشى رەت كەزدەسەدى.  

قازاقستان - وزبەكستان - 3:1 (0:0)

گولدار: كناۋب 22, دۋگلاس 22, يگيتا 40 - حامروەۆ 39;

قازاقستان: يگيتا (ك), اتانتاەۆ - دۋگلاس, كناۋب, ەسەنامانوۆ, اقبالىقوۆ, قاراعۇلوۆ, ناعاشىباي, ساعىندىقوۆ, ورازوۆ, توقاەۆ, سارباسوۆ, تورەعازين;

وزبەكستان: ۋماروۆ (ك), ەليباەۆ - روپيەۆ, حامروەۆ, نيشونوۆ, چوريەۆ, ا.راحماتوۆ, وديلوۆ, د.راحماتوۆ, تۋلكينوۆ, ۋسمانوۆ, سوليحوۆ, يبراگيموۆ.