تانىمال قازاقستاندىق مما شەبەرى ارمان ءاشىموۆ جالاڭ جۇدىرىقپەن وتكىزگەن العاشقى جەكپە-جەگىندە بوكستان ۋكراينا چەمپيونى, الەم چەمپيوناتىنا جانە ەۋروپا ويىندارىنا قاتىسقان تيمۋر بەلياكتى جەڭدى, دەپ حابارلايدى Egemen.kz.
بۇل تۋرالى Sports.kz ءمالىم ەتتى.
جەكپە-جەك كيەۆتە ۋكراينا ليگاسىنىڭ Mahatch FC تۋرنيرىندە ءوتتى. قازاقستاندىق قارسىلاسىن اۋىر نوكاۋتقا جىبەردى.
ءاشىموۆ ەرەجەسىز جەكپە-جەكتەگى سوڭعى ايقاسىن 3 قازاندا Naiza Fighting Championship 34 تۋرنيرىندە وتكىزىپ, ازەربايجان سپورتشىسى سەرحان ءۆاليليدى نوكاۋتقا تۇسىرگەن بولاتىن.