قىرعىزدىڭ بەلگىلى ناركولوگى, پروفەسسور جەنىشبەك نازاراليەۆتى نوبەل سىيلىعىنا ۇمىتكەر رەتىندە ۇسىناتىندىعى تۋرالى حاباردى قۇلاعىمىز شالىپ قالدى. مىنە, وسىعان بايلانىستى جەنىشبەك مىرزامەن حابارلاسىپ, سۇحباتتاسۋدىڭ رەتى ءتۇستى. ول بىزگە سىيلىققا ۇسىنىلۋىن, ءوزىنىڭ Doctor Life تەلەجوباسى ءمانىن ءتۇسىندىرىپ, ماسكۇنەمدىكتى جانە ناشاقورلىقتى ەمدەۋ جونىندەگى تاجىريبەسىن ءبولىستى.
– جەنىشبەك مىرزا, بۇقارالىق اقپارات قۇرالدارى ءسىزدىڭ نوبەل سىيلىعىن الۋىڭىزعا مۇمكىندىگىڭىز بار ەكەندىگى تۋرالى حابار تاراتتى. سونىڭ انىق-قانىعىن ايتىپ بەرسەڭىز؟
– مەن نوبەل سىيلىعى تۋراسىندا العاش رەت «ەسىرتكىسىز الەم» بۇكىلدۇنيەجۇزىلىك ليگاسى قوعامدىق ۇيىمىنىڭ قىزمەتكەرلەرىنەن ەستىپ ءبىلدىم. ايتقانىنداي, بۇل ۇيىمعا ءوزىم جەتەكشىلىك ەتەمىن. باسىندا بۇعان مەن ونشا ءمان بەرمەدىم. سويتسەم, ونىم بەكەر ەكەن. سىيلىققا ۇسىنىلعاندىعىم جايلى باستاماشىلاردان جازباشا راستاۋ حات العاننان كەيىن بارىپ سەندىم. 2013 جىلعى جەلتوقسان ايىنىڭ سوڭىندا يەمەندە شتاب-پاتەرى ورنالاسقان Life Friends ء(ومىر دوستارى) حالىقارالىق ناشاقورلىققا قارسى ۇيىمىنىڭ پرەزيدەنتى 2014 جىلعى بەيبىتشىلىك سالاسىنداعى نوبەل سىيلىعىنا مەنى ۇسىنۋ جۇمىستارىنىڭ باستالعاندىعىن حابارلادى. بۇعان مەنىڭ كوپجىلدىق قىزمەتىم نەگىز بولىپتى. شيرەك عاسىر بويى ەسىرتكىگە جانە ىشىمدىككە ءتاۋەلدى ادامداردى ەمدەۋمەن اينالىسىپ كەلدىم. وسى ۋاقىت ىشىندە 17 مىڭنان استام ناۋقاستى ەمدەدىم. ال 2002 جىلدان بەرى بۇكىل الەم بويىنشا ەسىرتكىنىڭ الدىن الۋ جانە وعان قارسى شارا جۇرگىزۋمەن اينالىسىپ ءجۇرمىن.
– بۇل ماسەلەدە Life Friends ۇيىمىنا قانداي ءرول جۇكتەلگەن؟
– حاتتاعى جازۋدان ۇققانىم, اتالعان ۇيىم شۆەد اكادەمياسىنا ءوتىنىش ءبىلدىرىپ, وزدەرىنىڭ ۇسىنىستارىن جانە ماعان قاتىستى بار قۇجاتتى سالىپ جىبەرىپتى. ويتكەنى, نوبەل سىيلىعىنا ۇمىتكەرلەردى شۆەدتىك اكادەميكتەر تاڭداپ الادى. ياعني, ولار مەنىڭ جۇمىسىمدى ەگجەي-تەگجەيلى زەردەلەپ, ءتيىستى شەشىم قابىلداۋلارى قاجەت. Life Friends حالىقارالىق ۇيىمى بۇل ورايدا ناقتى ۇسىنىسپەن شىعىپ وتىر. ول, ارينە, قاراستىرىلۋى ءتيىس. سونداي-اق, سىيلىق الۋعا ۇمىتكەر عالىمدار مەن قوعام قايراتكەرلەرىن قوعامدىق جانە عىلىمي ۇيىمدار دا ۇسىنادى. سوندىقتان دا, Life Friends بريتاندىق دامۋ جانە ادام دەنساۋلىعى اكادەمياسىنا, اراب جانە ەۋروپا اكادەميالارىنا ءوتىنىش ءبىلدىرىپتى. بارلىق ۇيىمدار ءبىراۋىزدان ىنتىماقتاستىق جاساۋعا دايىن ەكەندىكتەرىن ماقۇلداپتى. Life Friends پرەزيدەنتى سونداي-اق نوبەل سىيلىعىنىڭ بۇرىنعى لاۋرەاتتارىنىڭ بىرىنەن ۇسىنىم حات الىپ تاپسىرۋ قاجەتتىگىن ەسكەرتتى. وسىعان بايلانىستى بۇكىلدۇنيەجۇزىلىك ليگانىڭ قۇرمەتتى مۇشەسى, ءدىنباسى دالاي-لاماعا مەنى قولداۋىن ءوتىندىم.
– باسپاسوزدە ءسىزدىڭ نوبەل سىيلىعىنا ۇسىنىلۋىڭىزدان باسقا, Doctor Life ء(ومىر دوكتورى) 20 سەريالى تەلەۆيزيالىق جوباڭىزدىڭ اياقتالعاندىعى ءجونىندە دە جازىلدى. بۇل جوباڭىزدا ءسىز ماسكۇنەمدەردى جانە ناشاقورلاردى ەمدەۋدىڭ ءتۇرلى جولدارىن جان-جاقتى كورسەتكەن ەدىڭىز. وسى تۋرالى تولىعىراق ايتىپ وتسەڭىز؟
– قازىرگى كەزدە Doctor Life تەلەجوباسى اياقتالدى. 2012 جىلدىڭ كۇز ايىندا Doctor Life جوباسىنىڭ سەگىز كەيىپكەرى وزدەرىنىڭ تۋىسقاندارىمەن بىرگە قىرعىزستانعا تابان تىرەدى. ولار اقش, رەسەي جانە گەرمانيادان ەمدەلۋگە كەلگەندەر ەدى. ءبىز رەسەيلىك تەلەۆيزيا ماماندارىمەن بىرلەسىپ كلينيكاداعى ەمدەۋ كەزىن تۇگەلدەي ءتۇسىرىپ الدىق. ەمدەۋدىڭ بارلىق كەزەڭدەرىن اعىلشىن, فرانتسۋز, يسپان, ورىس, قىتاي, جاپون جانە اراب تىلدەرىندە كورسەتتىك. وڭالتۋ كۋرسى 42 كۇنگە سوزىلدى. Doctor ءLifeنىڭ قورىتىندى 20-شى سەرياسىن ناۋقاستاردى نەگىزگى ەمدەۋدەن جانە كلينيكادان ساۋىعىپ شىققاننان سوڭ ءبىر جىلدان كەيىن تۇسىردىك. بۇل سەريادا قاتىسۋشىلار ەمدەلۋدەن كەيىنگى كەزدەسەتىن ماسكۇنەمدىك پەن ناشاقورلىقتىڭ تۇيتكىلدى ماسەلەلەرى جايلى پىكىرلەرىن ورتاعا سالدى.
جالپى العاندا Doctor Life ماسكۇنەمدىك پەن ناشاقورلىقتىڭ زاردابى تۋرالى ناقتى ماسەلەلەردى دەر كەزىندە كوتەردى دەپ ويلايمىن. سونىڭ ناتيجەسىندە كوپتەگەن ادامدار كەسەلدەن ارىلىپ, تۋعان-تۋىسقاندارى مەن جاقىندارىنا قۋانىش سىيلادى. وسىنىڭ ءبارى ەكراندا تىكەلەي كورسەتىلىپ, كوپشىلىكتىڭ نازارىن وزىنە اۋدارتتى. اتالعان فيلم تەك ناۋقاستار مەن ولاردىڭ جاقىندارىنا عانا ەمەس, سونداي-اق, ناركولوگ-دارىگەرلەرگە دە پايداسىن تيگىزدى. ولار اۋرۋلاردى ەمدەپ, وڭالتۋعا جاڭاشا كوزقاراسپەن كىرىسكەندىگى دە بۇگىنگى تاڭدا شىندىققا اينالدى. ەۋرازياداعى ءبىزدىڭ ەڭ ءىرى جەكەمەنشىك مەديتسينالىق ورتالىعىمىزدا جىل سايىن سانداعان مەديتسينا قىزمەتكەرلەرى تاعىلىمدامادان وتەدى.
– ەسىرتكىگە تاۋەلدىلىكتەن قالاي ارىلۋعا بولادى؟ تمد كەڭىستىگىنىڭ جانە ەۋروپانىڭ باسقا ورتالىقتارىمەن سالىستىرعاندا ەمدەۋ ءىسى سىزدەردە قىمبات تۇرا ما؟
– قازاقستاندىقتار ءۇشىن 15 پايىزدىق جەڭىلدىك بەلگىلەدىك. اتاپ ايتاتىنىمىز, كلينيكامىز ەڭ جوعارى دەڭگەيدە ەمدەيدى. ەمدەۋ باعاسىن ينتەرنەتتەن نەمەسە بىزگە حابارلاسىپ بىلۋگە بولادى. ماسكۇنەمدىكپەن جانە ناشاقورلىقپەن اۋىراتىنداردى ەمدەۋدىڭ جولدارىن بىلگىڭىز كەلسە, «Doctor Life. جىل وتكەننەن كەيىن» تەلەجوباسىنىڭ 20-شى قورىتىندى سەرياسىن كورسەڭىز, بارىنە قانىعاسىز. بۇل سەريادا ەمدەۋگە بايلانىستى ناقتى جاۋاپ بەرىپ, ءىس جۇزىندە ورىندالاتىندىعىن دالەلدەيمىز.
اڭگىمەلەسكەن
مارات اققۇل,
«ەگەمەن قازاقستان».
PS: نازاراليەۆتىڭ كلينيكاسىندا قوسىمشا جۇيكە اۋرۋلارى بولىمشەسى اشىلدى. مۇندا كۇيزەلىپ جابىعۋدان, ۇيقىسىزدىقتان, ۇرەيدەن, ىعىر قىلاتىن ويدان, ۇنەمى شارشاۋدان, قورقۋدان جانە تاعى باسقالاردان زارداپ شەگەتىن ادامداردى ەمدەۋ جانە وڭالتۋ جۇرگىزىلەدى.
www.doctorlife.tv
تەل. +996 312 650241