وبلىس اكىمى سامات ەسكەندىروۆتىڭ توراعالىعىمەن وتكەن قالا قۇرىلىسى كەڭەسىندە وبلىستاعى ءۇش اۋدان ورتالىعىنىڭ 2030 جىلعا دەيىن بەلگىلەنگەن اۋماقتىق ورنالاسۋ سىزباسىنىڭ باس جوسپارى بەكىتىلدى. جوبانىڭ اۆتورى “گرادو” جف” جشس-ءنىڭ ديرەكتورى ارقىنجان مامەتوۆ جينالعانداردى ع. مۇسىرەپوۆ, ايىرتاۋ جانە تيميريازەۆ اۋداندارى ورتالىقتارىنىڭ اۋماقتىق باس جوسپارلارىنىڭ تولىقتىرىلعان نۇسقاسىمەن تانىستىردى. ونىڭ سوزىنە قاراعاندا, وسى اۋماقتارداعى ەلدى مەكەن تۇرعىندارىنىڭ سانى ءوسىپ كەلەدى. وسىعان وراي الەۋمەتتىك-ەكونوميكالىق دامۋ ۇدەرىسى, اۋماقتىڭ جوسپارلى قۇرىلىمى مەن فۋنكتسيونالدىق ۇيىمداستىرىلۋى, كولىك جانە ينجەنەرلىك كوممۋنيكاتسيالار جۇيەسى جان-جاقتى زەرتتەلگەن. بۇدان تىسقارى دەموگرافيالىق وسىمگە, اۋىل ەرەكشەلىكتەرىنە, قورشاعان ورتانى قورعاۋ جايىنا تالداۋ جاسالعان. ايماق باسشىسى قالعان 10 اۋدان مەن پەتروپاۆل قالاسىنىڭ باس جوسپارىن بەكىتۋ ءىسىن كەشىكتىرمەۋدى تاپسىردى. ءار اۋىلدىڭ اۋماقتىق سۇلباسىن جانە جوبالاۋ-سمەتالىق قۇجاتتارىن دايىنداپ شىعۋدىڭ ەندىگى ءبىر قيىندىعى تۇرعىندارىنىڭ جۇمىسپەن قامتىلۋ كورسەتكىشتەرى, جولدار مەن كوممۋنيكاتسيا توراپتارىن كوگالداندىرۋ, ينجەنەرلىك جانە گەولوگيالىق احۋال ەگجەي-تەگجەيلى قامتىلۋى ءتيىس.
“گرادو” جوبالاۋ فيرماسىنا ۇلكەن سەنىم ارتىلىپ وتىر. ەندى بۇل جوبالار اۋدان ءماسليحاتتارىندا تاعى ءبىر پىسىقتالىپ, سودان كەيىن بەكىتىلەتىن بولادى, دەدى س. ەسكەندىروۆ.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.