تۇركيانىڭ سولتۇستىگىندەگى اماسيا قالاسىندا جولاۋشىلار اۆتوبۋسى جول اپاتىنا ۇشىراپ ەكى ادام قازا تاپتى جانە 24 ادام جارالاندى, دەپ حابارلايدى Egemen.kz.
«جول اپاتى شامامەن ساعات 07.00-دە گوينۋك ايماعىنداعى اماسيا-چورۋم تاس جولىنىڭ 25-ءشى شاقىرىمىندا بولدى. جول-كولىك وقيعاسى سالدارىنان 2 ادام قازا تاۋىپ, 24 ادام جاراقات الدى. 2 ادامنىڭ جاعدايى اۋىر», دەپ جازدى Milliyet باسىلىمى.
وقيعا ورنىنا پوليتسيا, دارىگەرلەر جانە ءورت ءسوندىرۋ بريگادالارى كەلدى. اپات سالدارىنان اماسيا-چورۋم تاس جولى ءبىراز ۋاقىتقا جابىلدى.
الدىن الا بولجام بويىنشا, جۇرگىزۋشى جولدىڭ تايعاقتىعىنا بايلانىستى رولگە يە بولا الماي قالعان.