ميحايل لومتادزە «دوستىق» وردەنىمەن ماراپاتتالدى

«دوستىق» وردەنى - قوعامدا ءوزارا تاتۋلىقتى ساقتاۋ جونiندەگi جەمiستi جۇمىسى, حالىقتار اراسىندا بەيبiتشiلiكتi, دوستىق پەن ىنتىماقتاستىقتى نىعايتۋعا سiڭiرگەن ەڭبەگi ءۇشiن بەرىلەتىن ماراپات.

Kaspi.kz باسشىسى ميحايل لومتادزەگە وردەندى قر پرەمەر-ءمينيسترى اسقار مامين رەسپۋبليكا تاۋەلسىزدىگىنىڭ 30 جىلدىعىنا ارنالعان سالتاناتتى ماراپاتتاۋ راسىمىندە تابىس ەتتى. سونداي-اق مەملەكەتتىك ناگرادالار ەڭبەك ارداگەرلەرىنە, مينيسترلىكتەردىڭ, ۆەدومستۆولاردىڭ, ۇلتتىق كومپانيالاردىڭ قىزمەتكەرلەرىنە, ىسكەر ورتا وكىلدەرىنە بەرىلدى.

«تاۋەلسىزدىكتىڭ 30 جىلدىعى – قازاقستان تاريحىنداعى ماڭىزدى كەزەڭ. تاۋەلسىزدىك – مەملەكەتتىكتىڭ بەرىك نەگىزى, ەركىندىك, تۇراقتىلىق پەن ۇلتارالىق كەلىسىمنىڭ سيمۆولى. ءبىزدىڭ تاۋەلسىزدىگىمىز ءاربىر قازاقستاندىقتىڭ ءوز ەلى مەن جەرىنىڭ يگىلىگى ءۇشىن قاجىرلى ەڭبەگىنەن, ارقايسىمىزدىڭ دامىعان ءارى مىقتى مەملەكەتتە ءومىر سۇرۋگە دەگەن ۇمتىلىسىمىزدان تۇرادى», دەدى اسقار مامين سالتاناتتى جيىندا.

«Kaspi.kz ميسسياسى - يننوۆاتسيالىق سەرۆيستەر مەن ونىمدەردى ازىرلەپ, قازاقستاندىقتاردىڭ ءومىرىن جاقسارتۋ. ءبىزدىڭ كوماندا: قازاقستاندىقتار ءۇشىن, قازاقستان ءۇشىن نە جاقسى بولسا, Kaspi.kz ءۇشىن دە سول جاقسى ەكەنىنە سەنەدى. ءبىز الداعى ۋاقىتتا دا سۇيىكتى كليەنتتەرىمىزدى قۋانتىپ, بۇكىل الەمگە قازاقستاندا قانداي بىرەگەي كومپانيالار پايدا بولىپ, تەحنولوگيالار ازىرلەنىپ جاتقانىن كورسەتۋ ءۇشىن بار كۇش-جىگەرىمىزدى سالامىز», دەدى ميحايل لومتادزە.

قازاقستان يننوۆاتسيادا, تسيفرلاندىرۋدا جانە قازاقستاندىقتاردىڭ ءومىرىن جاقسارتاتىن فينتەح ونىمدەرىن جاساۋدا بۇرىن-سوڭدى بولماعان سەرپىلىس جاسادى. Kaspi.kz وسى يننوۆاتسيالاردىڭ درايۆەرىنە اينالىپ, ەل ىشىندە عانا ەمەس, الەمدىك ارەنادا ۇلگى بولىپ وتىر. بۇل تۋرالى بەدەلدى الەمدىك ساراپشىلار ايتۋدا.

«مەنى Kaspi قولدانباسى تاڭ قالدىردى. بۇل بولاشاقتىڭ ۇلگىسى, بۇل بولاشاقتىڭ كورىنىسى», دەدى اتلانتيكالىق كەڭەستىڭ اعا عىلىمي قىزمەتكەرى, ەنەرگيا جانە قاۋىپسىزدىك باعدارلاماسىنىڭ (ITIC) ديرەكتورى اريەل كوەن «استانا كلۋبىنىڭ» التىنشى وتىرىسىندا.

ء«بىز قازاقستاننىڭ قۇن تىزبەگىن كوتەرۋگە, وندىرىستىك جانە بىلىكتىلىك بازاسىن جانە قىزمەت كورسەتۋ سەكتورىن دامىتۋعا ۇمتىلىسىن قولدايمىز. مەن, مىسالى, Kaspi - قارجى قىزمەتتەرىن كورسەتۋگە ارنالعان تاماشا قوسىمشا ەكەنىن ەستىدىم», دەدى قازاقستانعا جۋىردا جاساعان ساپارى بارىسىندا ۇلىبريتانيانىڭ ساۋدا ءمينيسترى رانيل دجاياۆاردەنا.

Kaspi.kz-ءتىڭ وتكەن جىلعى ءساتتى IPO-سى ەلدىڭ ينۆەستيتسيالىق تارتىمدىلىعىن ارتتىردى. Kaspi.kz-ءتىڭ ينۆەستور بولىپ تابىلاتىن بىرقاتار بەدەلدى الەمدىك ينۆەستيتسيالىق قورلار بۇرىن-سوڭدى قازاقستانعا ينۆەستيتسيا سالعان ەمەس.

بۇگىنگى تاڭدا قازاقستانداعى يننوۆاتسيالاردىڭ دامۋ قارقىنى كوپتەگەن ەلدەرگە قاراعاندا جوعارى. بۇل قۇبىلىس قازىردىڭ وزىندە شەتەلدە زەرتتەلىپ جاتىر. گارۆارد بيزنەس مەكتەبى Kaspi.kz تاريحى تۋرالى ماتەريال جازدى. ول بويىنشا ماگيسترانتتار وقيدى.

ەسكە سالايىق, بۇعان دەيىن ميحايل لومتادزە پاندەميانىڭ قيىن كەزەڭىندە ەلدىڭ دامۋىنا قوسقان ۇلەسى ءۇشىن «حالىق العىسى» مەدالىمەن ماراپاتتالعان بولاتىن.