سقو اكىمىنىڭ ورىنباسارى تاعايىندالدى

پرەزيدەنت اكىمشىلىگىنىڭ كەلىسىمىمەن جانە سقو اكىمى قۇمار اقساقالوۆتىڭ وكىمىمەن بۇگىننەن باستاپ تيمۋر سۇلتانعازيەۆ وبلىس اكىمىنىڭ ورىنباسارى قىزمەتىنە تاعايىندالدى. جاڭا ورىنباسار ەكونوميكا, جۇمىسپەن قامتۋدى ۇيلەستىرۋ مەن مەملەكەتتىك باعدارلامالار, دەنساۋلىق ساقتاۋ, ەڭبەك ينسپەكتسياسى, دەنە شىنىقتىرۋ مەن سپورت سالاسىنا جەتەكشىلىك ەتەتىن بولادى.

تيمۋر سۇلتانعازيەۆ 1982 جىلى الماتى وبلىسىندا دۇنيەگە كەلگەن. قازاق ۇلتتىق مەديتسينالىق ۋنيۆەرسيتەتىن حيرۋرگ-دارىگەر ماماندىعى بويىنشا بىتىرگەن.

سونداي-اق اقش-تا تيۋلەين ۋنيۆەرسيتەتىندە (Tulane University) دەنساۋلىق ساقتاۋ جۇيەسىنىڭ مەنەدجەرى ماماندىعىن الىپ شىقتى.

ەڭبەك جولىن 2006 جىلى استاناداعى №1 قالىپتى اناتوميا كافەدراسىنىڭ زەرتحاناشىسى بولىپ باستاعان.

2010-2013 جىلدارى استانا قالاسىندا «ۇلتتىق مەديتسينالىق حولدينگ» اق ءتۇرلى قىزمەتتەر اتقاردى.

2013-2014 جىلدارى مەديتسينالىق تەحنولوگيالار جانە اقپاراتتىق جۇيەلەر ورتالىعىنىڭ پرەزيدەنتى بولدى.

2014-2016 جىلدارى «Medicare» جشس باس ديرەكتورىنىڭ ورىنباسارى بولدى.

2016 جىلى قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسپۋبليكالىق دەنساۋلىق ساقتاۋ ورتالىعى باس ديرەكتورىنىڭ ورىنباسارى قىزمەتىن اتقاردى.

2016 جىلدان 2018 جىلعا دەيىن دەنساۋلىق ساقتاۋ مينيسترلىگىندە جوبالاردى باسقارۋ دەپارتامەنتىنىڭ ديرەكتورى بولىپ جۇمىس ىستەدى.

2018-2020 جىلدارى سقو دەنساۋلىق ساقتاۋ باسقارماسىن باسقاردى.

2020 جىلى قر دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتىنىڭ توراعاسى لاۋازىمىندا بولدى.