ەكولوگيا, گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ بالىق ءوسىرۋ شارۋاشىلىعى سالاسىندا جاڭا نىساندار قاجەت ەكەنىن ايتتى, دەپ حابارلايدى Egemen.kz.
«بيىل 2022 جىلدان 2025 جىلعا دەيىن اياقتاۋ مەرزىمىمەن 129 مىڭ توننا بالىق ءوسىرۋ كولەمىمەن 32 جوبانى ىسكە اسىرۋ باستالدى. شامامەن 182,0 ملرد تەڭگە ينۆەستيتسيا تارتۋ كوزدەلىپ وتىر», دەدى احمەتجان پىرىمقۇلوۆ ۇكىمەت وتىرىسىندا.
اتاپ ايتقاندا, اقمولا وبلىسىندا بەكىرە ءوسىرۋ بويىنشا «اكۆافاكتوريا» جشس جوباسى بويىنشا مەملەكەتتىك ساراپتامانىڭ وڭ قورىتىندىسى الىندى. قارىزدى ساقتاندىرۋ شارتىن جاساسۋ ماسەلەسى شەشىلۋدە. بۇل قۇرىلىستى باستاۋ ءۇشىن 2,7 ملرد تەڭگە كولەمىندە قارىز قاراجاتىن پايدالانۋعا مۇمكىندىك بەرەدى.
«قاراعاندى وبلىسىندا «سارىارقا» اەا اۋماعىندا قۋاتتىلىعى تاۋلىگىنە 300 تونناعا دەيىن بالىق ازىعىن وندىرەتىن زاۋىت سالۋ جوباسى بويىنشا جۇمىستار جۇرگىزىلۋدە. سونداي-اق, جىل سوڭىنا دەيىن ازەربايجان, گەرمانيا جانە يزرايل ماماندارىن تارتا وتىرىپ, جوبالاۋ اياقتالادى. ينۆەستيتسيا كولەمى - 30 ملرد. تەڭگە. بەس جوبا بويىنشا الماتى, جامبىل, قوستاناي جانە ماڭعىستاۋ وبلىستارىندا قۇرىلىس-مونتاجداۋ جۇمىستارى جۇرگىزىلۋدە. ەكى جوبا بويىنشا الماتى وبلىسىندا سۋ قويمالارى بەكىتىلگەن. ءبىز مەملەكەتتىك ورگاندارمەن جانە وبلىس اكىمدىكتەرىمەن بىرلەسىپ, باعدارلامانىڭ بارلىق كورسەتكىشتەرىن جۇزەگە اسىرۋ جانە قول جەتكىزۋ, سونداي-اق ينۆەستيتسيالىق جوبالاردى ىسكە اسىرۋ بويىنشا جۇمىستاردى جالعاستىراتىن بولامىز», دەدى ۆيتسە-مينيستر.