قاراعاندى قالاسىنداعى بۇرىنعى وكتيابر اۋدانىندا تۇرعىندار كوپتەن كۇتكەن قۋانىشتى وقيعا بولدى. اتاپ ايتقاندا, قۇرامىنا مايقۇدىق, پريشاحتينسك جانە سۇرىپتاۋ ەلدى مەكەندەرى ەنەتىن بۇل اۋداننىڭ ەندى ءاليحان بوكەيحان اتىنداعى اۋدان بولىپ اتالۋىنا بايلانىستى سالتانتتى ءىس-شارا ۇيىمداستىرىلدى, دەپ جازادى Egemen.kz.
جيىندا ءسوز سويلەگەن قاراعاندى قالاسىنىڭ اكىمى ەرماعانبەت بولەكباەۆ تۇرعىنداردى ايتۋلى قۋانىشپەن قۇتتىقتادى. سونداي-اق ول اۋداندى قايتا اتاۋ – بۇل ەڭ الدىمەن ءاليحان بوكەيحاننىڭ تاريحي قىزمەتىنە, جالپى ەلىمىزدىڭ تاريحىنا بەرىلگەن قۇرمەت ەكەنىن اتاپ ءوتتى.
– اۋداننىڭ اتاۋى عانا ەمەس, كەلبەتى دە وزگەرەدى. سوڭعى بىرنەشە جىلدا ۇيلەردىڭ قاسبەتتەرىن, شاتىرلارىن, كىرەبەرىس جولدارى مەن ورامىشىلىك جولداردى جوندەۋ بويىنشا ۇلكەن جۇمىستار جۇرگىزىلدى. مايقۇدىق ورتالىق جولىن اۋقىمدى قايتا قۇرۋ اياقتالدى. بىرنەشە زاماناۋي تۇرعىن ءۇي كەشەندەرىنىڭ قۇرىلىسى ءجۇرىپ جاتىر, شاعىن اۋدانداردا جاڭا ەمحانالار ىسكە قوسىلدى. قايتا قۇرۋ جۇمىستارىنان كەيىن «ليتەيششيك» ستاديونى اشىلدى. الدا ءالى تالاي وزگەرىستەر بولادى, – دەدى قالا باسشىسى.
ءىس-شاراعا قاتىسقان قاراعاندى قالالىق ءماسليحاتىنىڭ حاتشىسى قۇدايبەرگەن بەكسۇلتانوۆ تاۋەلسىزدىك كۇنى قارساڭىندا وكتيابر اۋدانىنىڭ قازاقستاننىڭ بىرلىگىن, ونىڭ جارقىن بولاشاعىن ارمانداعان ءاليحان بوكەيحان اتىنداعى اۋدان بولىپ وزگەرتىلگەنى تاريحي ءمانى زور وقيعا دەپ اتاپ ءوتتى.
ەسكە سالار بولساق, ءاليحان بوكەيحان اتىنداعى اۋدان 1938 جىلى قاراعاندىنىڭ سولتۇستىك بولىگىندە قۇرىلعان. ول 1961 جىلعا دەيىن ستالين اۋدانى بولىپ اتالىپ كەلدى. سودان كەيىن وكتيابر اۋدانى بولىپ وزگەرتىلدى. جەر كولەمى 22,4 مىڭ گەكتار بولاتىن اۋداندا 227 مىڭ ادام تۇرادى.