كيەۆ حالىقارالىق الەۋمەتتانۋ ۋنيۆەرسيتەتىنىڭ ماماندارى ۋكراينا ەلىندەگى پارتيالارعا قاتىستى ساۋالناما جۇرگىزدى. ناتيجەسىندە ساۋالناماعا قاتىسقاندارعا بۇرىنعى پرەزيدەنت پەتر پوروشەنكونىڭ «ەۋروپالىق ىنتىماقتاستىق» پارتياسىنىڭ ۇستانىمى جاقىن ەكەنى ءمالىم بولدى, دەپ حابارلايدى Egemen.kz.
ءيا, «سايلاۋ وتسە قاي پارتيانى تاڭدايسىز؟» دەگەن سارىنداعى ساۋالمەن وتكەن ساۋالناماعا ەلدىڭ مىڭداعان تۇرعىندارى قاتىسقان. ولاردىڭ 19,8 پايىزى «ەۋورپالىق ىنتىماقتاستىق» پارتياسىن تاڭداۋعا ءازىر ەكەندىكتەرىن جەتكىزگەن. البەتتە, بۇل تسيفر پرەزيدەنت ۆلاديمير زەلەنسكي جەتەكشىلىك ەتەتىن «حالىق قىزمەتشىسى» پارتياسىنا حالىق كۇدىكپەن قارايدى دەگەندى بىلدىرمەيدى. ايتكەنمەن, ءسال دە بولسا تارازى باسى پوروشەنكونىڭ پارتياسىنا قاراي اۋا باستاعانىن اڭعارتادى.