ماڭعىستاۋدا قاتتى جەل جۇك كولىگىن اۋدارىپ تاستادى

8 جەلتوقسان كۇنى ساعات 23:10-دا «102» نومىرىنە شەتپە - ساي-وتەس تاسجولىندا «گازەل» ماركالى ەكى كولىكتىڭ اۋدارىلىپ قالعانى تۋرالى حابار تۇسكەن.

«وقيعا ورنىنا پاترۋلدىك پوليتسيا روتاسى جونەلدى. وقيعا سالدارىنان زارداپ شەككەندەر انىقتالعان جوق. كولىكتەرگە تراكتورمەن كومەك كورسەتىلدى», دەپ ءتۇسىندىردى پوليتسيا قىزمەتكەرلەرى.

ءتارتىپ ساقشىلارى جۇرگىزۋشىلەردەن جولدا اباي بولۋدى, داۋىلدى ەسكەرتۋ جاسالعان كەزدە كولىككە وتىرماۋدى سۇرايدى.

كەشەگى داۋىل سالدارىنان جەتىباي-شەتپە تاسجولىنىڭ 96-101 شاقىرىمىندا كولىك كەپتەلىسى تۋىنداعان.

ايتا كەتسەك, ماڭعىستاۋ وبلىسى اۋماعىندا ەكى كۇننەن بەرى شاڭدى داۋىل مەن قاتتى جەل سوعىپ تۇر.