«ورداباسى قۇس» ءونىمىن شەتەلگە شىعارىپ جاتىر

«ورداباسى قۇس» جشس-ءنىڭ تۇساۋى وسىدان ءتورت جىلداي بۇرىن ەلباسىمەن بولعان تىكەلەي تەلەكوپىردە كەسىلگەن بولاتىن. بۇل قۇس كەشەنى 2010 جىلى ۇدەمەلى ين­دۋستريالىق-يننوۆاتسيالىق دا­مۋ باعدارلاماسى ارقاسىندا ءتىر­لىگىن ورىستەتتى. قازىرگى تاڭدا, «ورداباسى قۇس» جشس 30 ءتۇرلى ءونىم اسسورتيمەنتىن شىعارىپ وتىر. الداعى ۋاقىتتا بۇل كور­سەتكىشتى 100-گە دەيىن جەتكىزۋ جوس­پارلارى بار. شىعارىلاتىن ءونىم وڭتۇستىك قازاقستان, الماتى, قاراعاندى, پاۆلودار, قىزىلوردا وبلىستارى مەن الماتى, استانا قالالارىنا ساتىلادى. سونداي-اق, ءونىمنىڭ 20 پايىزى رەسەي فە­دەراتسياسىنا ەكسپورتتالادى. بۇل, ارينە, كەدەن وداعىنا ءمۇ­شە ەلدەرمەن ايماقارالىق ىن­تى­ماقتاستىقتى دامىتۋ ارقا­سىندا مۇمكىن بولىپ وتىر.

جاڭا قۇس كەشەنىنىڭ ءبىرىنشى ساتىداعى وندىرىستىك قۋاتى شامامەن جىلىنا 4800 توننا كۇركەتاۋىق ەتىن شىعارۋ بولعان. بولاشاقتا ءوندىرىس قۋاتىن 2 ەسە ارتتىرۋ مۇمكىندىگى بار جانە ول ەلىمىزدىڭ اگروونەركاسىپ كەشەنىن دامىتۋ يدەياسىنا تولىعىمەن ساي. ينۆەستيتسيالىق جوبا قۇنى 1728,9 ملن. تەڭگەنى قۇراپ, وتكەن جىلى ءوندىرىس كولەمىن ۇلعايتۋ بويىنشا «ءتىرى سالماقتى كۇركەتاۋىق ەتى كولەمىن جىلىنا 8110 تونناعا جەتكىزۋ» جوباسى جۇزەگە اسىرىلدى. اتالعان سەرىك­تەستىكتە قولدانىلىپ وتىر­عان وزىق تەحنولوگيالاردىڭ ارقا­سىندا جىلىنا 150 مىڭ بالا­پان وسىرىلۋدە. الداعى جىل­دارى مۇندا ءوسىرىلىپ جات­قان بالاپانداردىڭ سانىن 1 ملن.-عا جەتكىزۋ كوزدەلۋدە. ءوڭىرى­مىزدە قۇس شارۋاشىلىعى ءوندىرى­سىن وركەندەتۋ ماقساتىندا سەرىك­تەستىك باسشىلىعى 5 جىلدىق دا­مۋ باعدارلاماسىن دا ازىرلەگەن. جالپى العاندا, بۇل كاسىپ­ورىن­نىڭ بولاشاعى زور. «ور­داباسى قۇس» جشس ۇلىبري­تانيانىڭ وكسفورد قالاسىندا ەۋروپالىق ساپا سەرتيفيكاتىن, پاريج قالاسىندا تاۋەلسىز قو­عامدىق ساپا جونىندەگى ءبىر­لەستىكتىڭ التىن مەدالىن الدى. «قا­زاقستاننىڭ ۇزدىك تاۋارى» دەگەن نوميناتسياعا لايىق دەپ تابىلىپ, قاتارىنان ەكى جىل جەڭىمپاز بولدى. مۇ­نىڭ بارلىعى, ارينە, بۇل كاسىپ­ورىننىڭ شىعارعان ءونىمىنىڭ ساپاسىنا بەرىلگەن باعا ەكەنى انىق. ورالحان ءداۋىت, «ەگەمەن قازاقستان». وڭتۇستىك قازاقستان وبلىسى.