بۇگىن تاۋەلسىزدىكتىڭ 30 جىلدىعىنا وراي «قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسىنىڭ مۋزەيىندە قر اقدم قولداۋىمەن «ەگەمەن قازاقستان» رەسپۋبليكالىق گازەتى دايىنداعان «ەگەمەندىك جانە ەلباسى» فوتوكورمەسى ءوتتى, دەپ حابارلايدى Egemen.kz.
«ەگەمەندىك جانە ەلباسى» اتتى فوتوكورمەگە شۇكىر شاحاي, يگور بۋرگاندينوۆ, يۋري بەككەر, ورىنباي بالمۇرات جانە ەرلان وماروۆ سياقتى بەلگىلى فوتوجۋرناليستەر تۇسىرگەن 50 فوتوسۋرەت قويىلدى.
بۇل فوتوسۋرەتتەر ەگەمەندىك جولىندا ەل تاريحىنا ەنگەن ايتۋلى وقيعالار مەن ايشىقتى ساتتەرمەن قامتىلعان. ءار سۋرەت - جەكە ءبىر تاريح. ەلباسى نۇرسۇلتان نازارباەۆقا جۇكتەلگەن زور سەنىم مەن مىندەتتەردىڭ اقتالۋ كەزەڭدەرى بەينەلەنگەن تۋىندىلار جۇرتىشىلىققا فوتوجۋرناليستەردىڭ كوزىمەن ۇسىنىلدى.
ايتا كەتسەك, شارا اياسىندا «ەگەمەن قازاقستان كىتاپحاناسى» سەرياسىمەن جارىق كورگەن «ەل جانە ەلباسى» كىتابىنىڭ تانىستىرىلىمى ءوتتى.
اتالعان جيناققا ەلىمىزدىڭ باس باسىلىمى «ەگەمەن قازاقستان» بەتتەرىندە جاريالانعان, ەلباسىنىڭ مەملەكەت قالىپتاستىرۋشى رەتىندەگى جەكە تۇلعالىق ءارى قايراتكەرلىك قىرلارىن اشاتىن, تاۋەلسىزدىك تاريحىنان سىر شەرتەتىن ماقالالار توپتاستىرىلعان. كىتاپتىڭ اۆتورلارى - جيناققا ەنگەن تاريحي وقيعالاردى ءوز كوزىمەن كورگەن كۋاگەرلەر.