اياق كيىم وندىرۋشىلەرىنە تاڭبالاۋ شىعىندارىنىڭ جارتىسى وتەلەدى

ەنگىزىلگەن وزگەرىستەرگە سايكەس, اياق كيىم ءونىمىن تاڭبالاۋعا ارنالعان باعدارلامالىق قامتاماسىز ەتۋدى قوسا العاندا, سايكەستەندىرۋ قۇرالدارىن جاعۋعا ارنالعان جابدىقتى ساتىپ الۋعا بايلانىستى جەڭىل ونەركاسىپ سۋبەكتىلەرىنىڭ شىعىندارى وتەلۋگە جاتادى:

سايكەستەندىرۋ قۇرالدارىن ساتىپ الۋعا; ءونىمدى شىعارۋ ساتىسىندا سايكەستەندىرۋ قۇرالدارىن ءتۇسىرۋ بويىنشا باسپاحانالىق قىزمەتتەردى ساتىپ الۋعا; ينجەنەرلىك باعدارلامالىق قامتاماسىز ەتۋدى قوسا العاندا, سايكەستەندىرۋ قۇرالدارىن نەمەسە ماتەريالدىق جەتكىزگىشتەردى سالۋعا ارنالعان جابدىقتى ساتىپ الۋ ارقىلى ءوندىرىستى قايتا جاراقتاندىرۋعا جىبەرەدى.

اتاپ وتىلگەندەي, يندۋستريالىق-يننوۆاتسيالىق قىزمەت سۋبەكتىسىنە وتەۋگە ۇسىنىلاتىن سومانىڭ 50%-ى مولشەرىندە نەگىزدەلگەن جانە قۇجاتپەن راستالعان شىعىندار وتەلەدى, بىراق ودان اسپايدى:

ءوتىنىم بەرۋ كۇنىنە دەيىن سوڭعى 24 اي ىشىندە يندۋستريالىق-يننوۆاتسيالىق قىزمەتتىڭ ءبىر سۋبەكتىسىنە شىعىندار بويىنشا 3 000 اەك; ءوتىنىم بەرىلگەن كۇنگە دەيىنگى سوڭعى 24 اي ىشىندە كەلتىرىلگەن شىعىندار بويىنشا ءبىر جەڭىل ونەركاسىپ سۋبەكتىسىنە 10 000 اەك.

شىعىنداردى وتەۋ بويىنشا مەملەكەتتىك قىزمەتتى QazIndustry كورسەتەدى.

بۇيرىقتىڭ تولىق ماتىنىمەن مىنا سىلتەمە ارقىلى تانىسۋعا بولادى.