«ەڭبەك رەسۋرستارىن دامىتۋ ورتالىعى» اق دەرەكتەرى بويىنشا 2021 جىلعى قاراشادا ەلەكتروندىق ەڭبەك بيرجاسىندا 106,9 مىڭ بوس جۇمىس ورنى جانە 35 مىڭ تۇيىندەمە ورنالاستىرىلعان, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
ەڭبەك نارىعىندا جاريالانعان بوس ورىندار مەن تۇيىندەمەلەر سانىنىڭ قىسقارۋىنا بايلانىستى بەلسەندىلىكتىڭ تومەندەۋى بايقالدى. سونىمەن بىرگە, قازان ايىمەن سالىستىرعاندا ەلەكتر مونتاجشىلارى مەن قولمەن دانەكەرلەيتىن ەلەكتر دانەكەرلەۋشىلەرىنە سۇرانىس ارتتى.
قاراشا ايىندا قوسالقى جانە قولونەرشىلەر, بىلىكتى جۇمىسشىلار اراسىندا - كۇزەتشىلەر, مەدبيكەلەر, اۆتوموبيل جۇرگىزۋشىلەرى ۇلكەن سۇرانىسقا يە بولدى.
وڭىرلەر بولىنىسىندە ەڭبەك بيرجاسىنا بوس جۇمىس ورىندارىن تۇركىستان وبلىسىنىڭ جۇمىس بەرۋشىلەرى بەلسەندى ورنالاستىردى (قاراشاداعى بارلىق بوس جۇمىس ورىندارىنىڭ 13,2%). جاڭا كادرلارعا دەگەن جوعارى قاجەتتىلىك الماتى (12,9%) جانە نۇر-سۇلتان (10,7%) قالالارىندا بايقالدى.
ايتا كەتسەك, وتكەن ايمەن سالىستىرعاندا شىمكەنت قالاسىندا بوس جۇمىس ورىندارىنىڭ سانى 78%-عا قىسقاردى, ال اقمولا وبلىسىندا ءوسىم 1,4 مىڭعا جەتتى.
«قاراشا ايىندا بارلىق بوس ورىنداردىڭ 79%-ىن شاعىن, ورتا جانە ءىرى كاسىپورىندار ورنالاستىردى, بۇل شامامەن 83,9 مىڭ بىرلىك. تيىسىنشە, ءاربىر بەسىنشى بوس ورىن جەكە كاسىپكەرلەردەن تالاپ ەتىلدى. ولاردىڭ ۇشتەن بىرىنەن استامى (37%) الماتى, نۇر-سۇلتان قالالارىنىڭ جانە تۇركىستان وبلىسىنىڭ كاسىپورىندارىمەن ورنالاستىرىلعان», دەدى اوا باسقارۋشى ديرەكتورى الەكساندرا مولچانوۆسكايا.
قاراشا ايىندا بىلىكتىلىكتى قاجەت ەتەتىن ماماندىقتار اراسىندا مال وسىرۋشىلەر, زاڭگەرلەر, قارجىگەرلەر جانە دەنە شىنىقتىرۋ, قازاق ءتىلى جانە بيولوگيا مۇعالىمدەرىنە سۇرانىس بولدى. سونىمەن قاتار, بيرجاداعى ەڭ جوعارى اقى تولەنەتىن ماماندىقتارعا اقپاراتتى قورعاۋ جونىندەگى ينجەنەرلەر جاتادى, قاراشا ايىندا ولارعا ورتاشا ەسەپپەن ايىنا 668 مىڭ تەڭگەدەن باستاپ ۇسىنىلادى.
«تۇركىستان وبلىسىنداعى جۇمىس ىزدەۋشىلەر بيرجانىڭ بەلسەندىلەرى بولىپ تابىلادى, ولار تۇيىندەمەنىڭ ەڭ كوپ سانىن - جالپى ساننىڭ 18%-ىن نەمەسە 6,1 مىڭ بىرلىكتەن استامىن ورنالاستىرعان», دەپ حابارلادى الەكساندرا مولچانوۆسكايا.
جاس اۋقىمىندا 31 جاستان 40 جاسقا دەيىنگى ىزدەنۋشىلەر ۇلەسى (28%) جانە 16 جاستان 25 جاسقا دەيىنگى جۇمىس ىستەيتىن جاستار (21%) باسىم. 60 جاستان اسقان ىزدەنۋشىلەردىڭ ۇلەسى ماردىمسىز بولىپ, قاراشا ايىندا ورنالاستىرىلعان تۇيىندەمەلەردىڭ تەك 1%-ىن قۇرادى. جالپى, قاراشا وتكەن ايلارمەن سالىستىرعاندا ەڭبەك نارىعىنداعى بەلسەندىلىكتىڭ تومەندەگەنىن كورسەتتى.