الماتىدا تاعى ءبىر ايەل كوپقاباتتى تۇرعىن ءۇيدىڭ 5-ءشى قاباتىنان سەكىرىپ كەتتى, دەپ حابارلايدى Egemen.kz.
قايعىلى وقيعا جەتىسۋ ىقشام اۋدانىندا بولدى.
الماتى قالاسى پوليتسيا دەپارتامەنتىندە مالىمدەگەندەي, 1995 جىلى تۋعان ت. ەسىمدى ازاماتشا ءوز-وزىنە قول جۇمساۋعا تىرىسقان. ايەل كوپقاباتتى تۇرعىن ءۇيدىڭ بەسىنشى قاباتتاعى پاتەردىڭ تەرەزەسىنەن سەكىرگەن. ايەل ءتىرى, قازىر ول اۋرۋحاناعا جاتقىزىلدى.
وقيعانىڭ ءمان-جايىن انىقتاۋ بارىسىندا قايعىلى وقيعا بولماس بۇرىن, ايەلدىڭ ۋلانۋ ءۇشىن ءدارى-دارمەكتەر ىشكەنى انىقتالدى.
الدىن الا مالىمەت بويىنشا, وزىنە-ءوزى قول جۇمساۋ ارەكەتىنىڭ سەبەبى ەرلى-زايىپتىلار اراسىنداعى اجىراسۋ پروتسەسى بولۋى مۇمكىن.
«وقيعانىڭ تولىق دەرەكتەرى انىقتالۋدا. اتالعان فاكتى قر قك-نىڭ 105-بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلدى», دەدى پوليتسيا دەپارتامەنتى.
ال قوعامدىق دەنساۋلىق ساقتاۋ باسقارماسى ايەلدىڭ جاعدايى تۇراقتى اۋىر ەكەنىن مالىمدەدى.