2013 جىلعى 29 تامىز , استانا قالاسى
كاسىپتىك جانە تەحنيكالىق ءبىلىم بەرۋ سالاسىنداعى الەۋمەتتىك ارىپتەستىك جونىندەگى كوميسسيالاردىڭ ۇلگى ەرەجەسى مەن قىزمەتىنىڭ ءتارتىبىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 45-1-بابىنا سايكەس بۇيىرامىن:
1. كاسىپتىك جانە تەحنيكالىق ءبىلىم بەرۋ سالاسىنداعى الەۋمەتتىك ارىپتەستىك جونىندەگى كوميسسيالاردىڭ ۇلگى ەرەجەسى مەن قىزمەتىنىڭ ءتارتىبى بەكىتىلسىن.
2. تەحنيكالىق جانە كاسىپتىك ءبىلىم دەپارتامەنتى (ق.ق. بورىبەكوۆ):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) مەملەكەتتىك تىركەۋدەن وتكەننەن كەيىن وسى بۇيرىقتىڭ بۇقارالىق اقپارات قۇرالدارىندا جاريالانۋىن جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت رەسۋرسىندا ورنالاسۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-ءمينيسترى م.ا. ابەنوۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب.جۇماعۇلوۆ.
قازاقستان رەسپۋبليكاسى ءبىلىم جانە عىلىم ءمينيسترىنىڭ
2013 جىلعى 29 تامىزداعى №361 بۇيرىعىمەن بەكىتىلگەن
كاسىپتىك جانە تەحنيكالىق ءبىلىم بەرۋ سالاسىنداعى الەۋمەتتىك ارىپتەستىك جونىندەگى كوميسسيالاردىڭ ۇلگى ەرەجەسى مەن قىزمەتىنىڭ ءتارتىبى
1. جالپى ەرەجەلەر
1. وسى كاسىپتىك جانە تەحنيكالىق ءبىلىم بەرۋ سالاسىنداعى الەۋمەتتىك ارىپتەستىك جونىندەگى كوميسسيالاردىڭ ۇلگى ەرەجەسى مەن قىزمەتىنىڭ ءتارتىبى (بۇدان ءارى – ۇلگى ەرەجە) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى.
2. وسى ۇلگى ەرەجەدە مىناداي نەگىزگى ۇعىمدار قولدانىلادى:
1) تەحنيكالىق جانە كاسىپتىك ءبىلىم بەرۋ ۇيىمدارىنىڭ وكىلدەرى – تەحنيكالىق جانە كاسىپتىك ءبىلىم بەرۋ ماسەلەلەرى جونىندەگى كوميسسيالاردا وقۋ ورىندارىنىڭ مۇددەسىن بىلدىرەتىن ۋاكىلەتتى تۇلعالار;
2) جۇمىس بەرۋشىلەردىڭ وكىلدەرى – قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ وكىلدەرى تۇلعاسىندا تەحنيكالىق جانە كاسىپتىك ءبىلىم بەرۋ ماسەلەلەرى جونىندەگى كوميسسيالاردا جۇمىس بەرۋشىلەردىڭ مۇددەسىن بىلدىرەتىن ۋاكىلەتتى تۇلعالار;
3) الەۋمەتتىك ارىپتەستىك – جۇمىس بەرۋشىلەر, قازاقستان رەسپۋبليكاسىنىڭ ۇلتتىق كاسىپكەرلەر پالاتاسى, جۇمىس بەرۋشىلەر بىرلەستىكتەرى, كاسىپوداقتار, مەملەكەتتىك ورگاندار جانە تەحنيكالىق جانە كاسىپتىك ءبىلىم بەرۋ ۇيىمدارى اراسىنداعى ءوزارا قارىم-قاتىناستار جۇيەسى, كادرلار دايارلاۋ, تەحنيكالىق جانە كاسىپتىك ءبىلىم بەرۋدى دامىتۋ ماسەلەلەرى بويىنشا ولاردىڭ مۇددەلەرىن جانە وزگە دە ولارمەن تىكەلەي بايلانىستى قارىم-قاتىناستاردى كەلىسۋدى قامتاماسىز ەتۋگە باعىتتالعان;
4) الەۋمەتتىك ارىپتەستىك تاراپتارى – ءتيىستى اتقارۋشى ورگانداردىڭ وكىلدەرى, جۇمىس بەرۋشىلەردىڭ وكىلدەرى, جۇمىسكەرلەر جانە ءبىلىم بەرۋ ۇيىمدارى.
3. كاسىپتىك جانە تەحنيكالىق ءبىلىم بەرۋ سالاسىنداعى الەۋمەتتىك ارىپتەستىك جونىندەگى كوميسسيالاردىڭ قىزمەتى (بۇدان ءارى – كوميسسيا) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 45-1-بابىنا, قازاقستان رەسپۋبليكاسىنىڭ زاڭناماسىنا جانە وسى ۇلگى ەرەجەگە سايكەس جۇزەگە اسىرىلادى.
4. كوميسسيالار ۇنەمى قولدانىستاعى كونسۋلتاتيۆتىك-كەڭەسشى ورگان بولىپ تابىلادى, ونىڭ قۇرامىنا مەملەكەتتىك ۋاكىلەتتىك ورگاندار, تەحنيكالىق جانە كاسىپتىك ءبىلىم بەرۋ ۇيىمدارى, جۇمىس بەرۋشىلەر بىرلەستىكتەرى, كاسىپوداقتار, قازاقستان رەسپۋبليكاسى ۇلتتىق كاسىپكەرلەر پالاتاسىنىڭ وكىلدەرى كىرەدى.
2. كوميسسيانىڭ نەگىزگى مىندەتتەرى مەن فۋنكتسيالارى
5. كوميسسيانىڭ نەگىزگى مىندەتتەرى:
1) ەكونوميكانى كادرلىق قامتاماسىز ەتۋ ماسەلەلەرى جونىندە ۇسىنىمدار ازىرلەۋ;
2) سالالىق (وڭىرلىك) كومپونەنتتەردى قوسقاندا جانە سالانىڭ دامۋىن ەسكەرە وتىرىپ, تەحنيكالىق جانە كاسىپتىك ءبىلىمنىڭ مازمۇنىن جاڭارتۋ;
3) بىلىكتىلىك تالاپتارىن جەتىلدىرۋدى ەسەپكە الا وتىرىپ, كادرلار دايارلاۋ ساپاسىن جاقسارتۋ;
4) جۇمىس بەرۋشىلەردىڭ وتىنىمدەرى نەگىزىندە تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ سالاسىندا كادرلار دايارلاۋعا ارنالعان مەملەكەتتىك ءبىلىم بەرۋ تاپسىرىسىن قالىپتاستىرۋ;
5) كادرلار دايارلاۋ جانە قايتا دايارلاۋ ماسەلەلەرى بويىنشا كونفەرەنتسيالار, سەمينارلار, دوڭگەلەك ۇستەلدەر ۇيىمداستىرۋ;
6) سالادا قىزمەت ىستەيتىن كادرلاردىڭ بىلىكتىلىكتەرىن ارتتىرۋ جانە قايتا دايارلاۋ, جۇمىسسىز حالىقتى جاپپاي جۇمىسشى ماماندىقتارىنا وقىتۋ بويىنشا جۇمىستى ۇيلەستىرۋ;
7) ۇلتتىق بىلىكتىلىك جۇيەسىن قالىپتاستىرۋ;
8) سالادا كاسىپتىك ستاندارتتار جانە سالالىق بىلىكتىلىك شەڭبەرىن ازىرلەۋ;
9) سالاعا مامانداردىڭ بىلىكتىلىگىن سەرتيفيكاتتاۋ جۇيەسىن ەنگىزۋ;
10) تەحنيكالىق جانە كاسىپتىك ءبىلىم بەرۋدى دامىتۋ جانە كادرلار دايارلاۋ جونىندەگى سالالىق, وڭىرلىك كەڭەستەرمەن ءوزارا ءىس-قيمىلدى قامتاماسىز ەتۋ بويىنشا ۇسىنىستار دايارلاۋ بولىپ تابىلادى.
6. كوميسسيالاردىڭ نەگىزگى باعىتتارى:
1) تەحنيكالىق جانە كاسىپتىك ءبىلىم جۇيەسىنىڭ دامۋ ستراتەگياسىن ازىرلەۋگە قاتىسۋ;
2) تەحنيكالىق جانە كاسىپتىك ءبىلىمدى جاڭعىرتۋ بويىنشا جۇمىسقا باسقارۋ ورگاندارىنىڭ, جۇمىس بەرۋشىلەردىڭ, تەحنيكالىق جانە كاسىپتىك ءبىلىم بەرۋ ۇيىمدارىنىڭ وكىلدەرىن, تەحنيكالىق جانە كاسىپتىك ءبىلىم بەرۋ ماسەلەلەرىمەن اينالىساتىن عىلىمي ورتالىقتاردى تارتۋ;
3) ەڭبەك نارىعىندا سۇرانىسقا يە كاسىپتەر قاجەتتىلىگىنىڭ مونيتورينگى نەگىزىندە كادرلاردى دايارلاۋدى جوسپارلاۋ مەن ۇيىمداستىرۋدا الەۋمەتتىك ارىپتەستەردىڭ ارەكەتتەرىن ۇيلەستىرۋ;
4) جۇمىس بەرۋشىلەردىڭ جاڭا تەحنولوگيالارى مەن تالاپتارىنا سايكەس كاسىپتىك ستاندارتتاردىڭ مازمۇنىن وزگەرتۋ, وقۋ جوسپارلارى مەن باعدارلامالارىن تۇزەتۋ جونىندە ۇسىنىستاردى ازىرلەۋ;
5) رەسپۋبليكالىق, وڭىرلىك دەڭگەيلەردە جانە سالالىق بولجامدارمەن ەڭبەك رەسۋرستارىنىڭ كاسىپتىك-بىلىكتىلىك قۇرىلىمىن وزگەرتۋ پەرسپەكتيۆالارىن باعالاۋ;
6) ەڭبەك نارىعىن تالداۋ جانە كادرلاردى دايارلاۋ, بىلىكتىلىگىن ارتتىرۋ جۇيەسىن دامىتۋ سالاسىنداعى عىلىمي-زەرتتەۋ جۇمىستارىن ۇيلەستىرۋ;
7) ارنايى پاندەر وقىتۋشىلار مەن تاجىريبەلى ءوندىرىس ماماندارىن تەحنيكالىق جانە كاسىپتىك ءبىلىم بەرۋ ۇيىمدارىنا ارنالعان وقۋلىقتار مەن وقۋ-ادىستەمەلىك كەشەندەردى ازىرلەۋگە تارتۋ جانە اۆتورلارعا ولاردى باسىپ شىعارۋىنا كومەك كورسەتۋ;
8) وقۋ ورىندارىنىڭ ءارتۇرلى ماماندىقتار مەن كاسىپتەر بويىنشا ءبىلىم الۋشىلاردىڭ وندىرىستىك پراكتيكاسىن ساپالى ۇيىمداستىرۋ جانە وتكىزۋ ماسەلەلەرىن شەشۋىنە جاردەمدەسۋ;
9) الەۋمەتتىك ارىپتەستىك بويىنشا وزىق وتاندىق تاجىريبەنى زەردەلەۋ, جالپىلاۋ جانە تاراتۋ, بۇقارالىق اقپارات قۇرالدارىندا, ينتەرنەت-رەسۋرستاردا جاريالاۋ;
10) الەۋمەتتىك ارىپتەستىك جونىندە باسقا ەلدەردىڭ تاجىريبەسىمەن تانىسۋ جانە زەردەلەۋ بويىنشا حالىقارالىق ىنتىماقتاستىقتى دامىتۋعا جاردەمدەسۋ, حالىقارالىق جوبالارعا قاتىسۋعا, ارنايى پاندەر وقىتۋشىلارىنىڭ تاعىلىمدامادان ءوتۋىن ۇيىمداستىرۋعا قاتىسۋعا تارتۋ;
11) قازاقستان رەسپۋبليكاسىنىڭ ازاماتتارىنا كورسەتىلەتىن كاسىپتىك-باعدارلاۋ قىزمەتتەرىن دامىتۋدا ءبىلىمدى باسقارۋ ورگاندارىنا جانە جۇمىسپەن قامتۋ ماسەلەلەرى جونىندەگى ۋاكىلەتتى ورگاندارعا, ءبىلىم بەرۋ ۇيىمدارىنا جاردەمدەسۋ;
12) كاسىپتىك جانە تەحنيكالىق ءبىلىم سالاسىنداعى نورماتيۆتىك قۇقىقتىق بازانى جەتىلدىرۋ بويىنشا ۇسىنىستار ەنگىزۋ;
13) تەحنيكالىق جانە كاسىپتىك ءبىلىم بەرەتىن وقۋ ورىندارىنىڭ ماتەريالدىق-تەحنيكالىق بازاسىن نىعايتۋ جانە دامىتۋ ءۇشىن دەمەۋشىلەر مەن مەتسەناتتاردى تارتۋ;
14) كاسىبي باعدار بەرۋ, جۇمىسقا ورنالاستىرۋ جۇمىستارىن جۇرگىزۋ ءۇشىن اقپاراتتىق-كونسۋلتاتيۆتىك قىزمەتتەردى قۇرۋعا جاردەمدەسۋ;
15) كاسىپتىك جانە تەحنيكالىق ءبىلىمى بار مامانداردى دايارلاۋعا مەملەكەتتىك ءبىلىم بەرۋ تاپسىرىسىن قالىپتاستىرۋ پروتسەسىنە قاتىسۋ;
16) جۇمىس بەرۋشىلەرگە قازاقستان رەسپۋبليكاسىنىڭ اۋماعىندا قىزىعۋشىلىق بىلدىرگەن ماماندىقتار بويىنشا وقىتۋدى جۇزەگە اسىراتىن ءبىلىم بەرۋ ۇيىمدارى تۋرالى مالىمەتتەر بەرۋ;
17) تەحنيكالىق جانە كاسىپتىك ءبىلىم بەرۋ ماسەلەلەرى بويىنشا ءوزارا ءىس-قيمىلدى جۇزەگە اسىرۋدا الەۋمەتتىك ارىپتەستەرگە قولداۋ كورسەتۋ;
18) قازاقستان رەسپۋبليكاسىنىڭ ۇكىمەتىنە كادرلار دايارلاۋ جانە قايتا دايارلاۋ سالاسىنداعى مەملەكەتتىك ساياساتى ىسكە اسىرۋ جونىندە ۇسىنىستار ەنگىزۋ;
19) ەكونوميكانى بىلىكتى كادرلارمەن قامتاماسىز ەتۋ ماسەلەلەرى جونىندە ۇسىنىمدار دايىنداۋ;
20) كوميسسيانىڭ قۇزىرەتىنە كىرەتىن ماسەلەلەر بويىنشا مەملەكەتتىك ورگاندارمەن جانە ۇيىمدارمەن ءوزارا ءىس-قيمىلدى قامتاماسىز ەتۋ.
7. جۇمىس بەرۋشى كوميسسيانىڭ ساۋالى بويىنشا ەڭبەك نارىعىندا سۇرانىسقا يە ماماندار قاجەتتىلىگى, پەرسونالدى كاسىپتىك دايارلاۋ جانە ىشكى وندىرىستىك وقىتۋ جۇيەسىن دامىتۋ شارالارى, ءبىلىم بەرۋ ۇيىمدارىندا دايىندالعان مامانداردىڭ سانى تۋرالى اقپارات ۇسىنادى.
8. كوميسسيا قويىلعان مىندەتتەردى اتقارۋ ماقساتىندا:
1) كاسىپتىك جانە تەحنيكالىق ءبىلىم جۇيەسىن جەتىلدىرۋ جونىندە ۇسىنىستار ازىرلەيدى;
2) مەملەكەتتىك ورگانداردان, تەحنيكالىق جانە كاسىپتىك ءبىلىم بەرۋ ۇيىمدارىنان, جۇمىس بەرۋشىلەر بىرلەستىكتەرىنەن سالا ءۇشىن جۇمىسشى كادرلارىن دايارلاۋ سالاسىنداعى جۇمىسپەن بايلانىستى قاجەتتى اقپاراتتار مەن ماتەريالداردى سۇراتادى جانە الادى;
3) كادرلار دايارلاۋ سالاسىنداعى الەۋمەتتىك ارىپتەستىكتىڭ ينوۆاتسيالىق ادىستەر مەن نىسانداردى زەردەلەۋدە حالىقارالىق ۇيىمدارمەن ىنتىماقتاستىقتى جۇزەگە اسىرۋعا جانە الەمدەگى ۇزدىك جەتىستىكتەرگە سۇيەنىپ, وزىق حالىقارالىق تاجىريبەنى پراكتيكاعا ەنگىزەدى;
4) ستاتيستيكا ورگاندارىنان وڭىردەگى كاسىپورىنداردىڭ بىلىكتى كادرلارمەن قامتىلعاندىعى جانە سۇرانىسى, وقۋ ورىندارىنداعى كادرلار دايارلاۋ جاعدايى تۋرالى تالدامالىق ماتەريالداردى سۇراتادى;
5) جاس مامانداردى دايارلاۋ جانە بەكىتۋ, وندىرىستە جۇمىس ىستەيتىن جۇمىسكەرلەردىڭ بىلىكتىلىگىن ارتتىرۋ ماسەلەلەرى بويىنشا ۇسىنىستاردى قاراستىرۋعا جانە جۇمىس بەرۋشىلەرگە قولداۋ كورسەتەدى;
6) كەڭەس بەرۋ قۇقىعىمەن, تەحنيكالىق جانە كاسىپتىك ءبىلىم ماسەلەلەرى بويىنشا الەۋمەتتىك ارىپتەستەر بولىپ تابىلاتىن مەكەمەلەردىڭ, ۇيىمداردىڭ, كاسىپورىنداردىڭ القاسىنا (وتىرىستارىنا, كەڭەستەرىنە) قاتىسادى;
7) سالا ءۇشىن كادرلار دايارلاۋ جانە قايتا دايارلاۋ ماسەلەلەرىنە قاتىستى نورماتيۆتىك قۇقىقتىق قۇجاتتاردىڭ جوبالارىنا ۇسىنىستار دايىندايدى;
8) سالا ءۇشىن كادرلار دايارلاۋ جانە قايتا دايارلاۋ جۇيەسىن جەتىلدىرۋ جونىندەگى سالالىق, وڭىرلىك مەملەكەتتىك ورگانعا ۇسىنىستار ەنگىزەدى.
3. كوميسسيا قىزمەتىن ۇيىمداستىرۋ
9. رەسپۋبليكالىق دەڭگەيدەگى كوميسسيا قۇرامى ورتالىق مەملەكەتتىك ورگاندار, قازاقستان رەسپۋبليكاسىنىڭ ۇلتتىق كاسىپكەرلەر پالاتاسى, جۇمىس بەرۋشىلەر قاۋىمداستىقتارى وكىلدەرى, ءبىلىم بەرۋ ۇيىمدارىنىڭ باسشىلارى, كاسىپوداقتار, تەحنيكالىق جانە كاسىپتىك ءبىلىمدى دامىتۋ مەن كادرلار دايارلاۋ جونىندەگى سالالىق جانە وڭىرلىك كەڭەستەردىڭ باسشىلارىنان قۇرىلادى جانە قازاقستان رەسپۋبليكاسىنىڭ ۇلتتىق كاسىپكەرلەر پالاتاسى بەكىتەدى.
10. كوميسسيانى ونىڭ قىزمەتىنە باسشىلىق ەتەتىن توراعا باسقارادى, وتىرىستارىنا توراعالىق ەتەدى جانە جۇمىس جوسپارىن بەكىتەدى, شەشىمدەرىنىڭ ىسكە اسىرىلۋىنا جالپى باقىلاۋ جاسايدى.
كوميسسيا توراعاسى بولماعان جاعدايدا, ونىڭ مىندەتىن كوميسسيا توراعاسىنىڭ ورىنباسارى اتقارادى.
11. كوميسسيا وتىرىسى جارتىجىلدىقتا كەم دەگەندە ءبىر رەت وتكىزىلەدى جانە مۇشەلەرىنىڭ جالپى سانىنىڭ ەكىدەن ءۇش بولىگى قاتىساتىن, قۇقىلى بولىپ سانالادى. كوميسسيانىڭ شەشىمدەرى وتىرىسقا قاتىسقان كەڭەس مۇشەلەرىنىڭ كوپ داۋىسىمەن قابىلدانادى.
12. كوميسسيا مۇشەلەرى وتىرىستا قاراستىرىلاتىن ماسەلەلەردى تالقىلاۋ كەزىندە بىردەي قۇقىقتارعا يە. كوميسسيانىڭ شەشىمدەرى قاراپايىم كوپ جينالعان داۋىس ارقىلى شەشىلەدى, ءار مۇشە ءبىر داۋىسقا يە بولادى. داۋىس بىردەي بولعان جاعدايدا توراعانىڭ داۋىسى شەشۋشى بولىپ تابىلادى.
13. وڭىرلىك دەڭگەيدەگى كوميسسيانىڭ قۇرامى جەرگىلىكتى اتقارۋشى جانە وكىلەتتى ورگاندار, ءبىلىم بەرۋدى باسقارۋ, حالىقتى جۇمىسپەن قامتۋ جانە الەۋمەتتىك قورعاۋ, ەكونوميكا جانە شاعىن بيزنەس, ستاتيستيكا, كوشى-قون جانە دەموگرافيا ورگاندارى, جۇمىس بەرۋشىلەر وكىلدەرى, مەملەكەتتىك وقۋ ورىندارىنىڭ ديرەكتورلارى, مەملەكەتتىك ەمەس ءبىلىم سەكتورلارى, قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ وكىلدەرى جانە باسقا دا قوعامدىق بىرلەستىكتەر وكىلدەرىنەن قۇرىلادى.
وڭىرلىك دەڭگەيدە كوميسسيالاردىڭ قۇرامى قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ شەشىمىمەن بەكىتىلەدى.
14. كوميسسيالار جانىندا قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ شتاتتىق قىزمەتكەرلەرى قاتارىنان حاتشىلىق قۇرىلادى, ونىڭ سانى كوميسسيا ۇسىنىسى بويىنشا انىقتالادى جانە مىناداي فۋنكتسيالاردى اتقارادى:
1) كەلىپ تۇسكەن ۇسىنىستاردى جانە باسقا دا اقپاراتتاردى تالداۋ جانە جۇيەلەۋ, ول بويىنشا ءتيىستى قورىتىندىلار شىعارۋ;
2) كوميسسيا وتىرىستارىن دايىنداۋ جانە وتكىزۋ;
3) قابىلدانعان شەشىمدەردىڭ ورىندالۋىن جانە جۇمىس جوسپارىنا سايكەس ءىس-شارالاردىڭ ىسكە اسىرىلۋىن باقىلاۋ;
4) كوميسسيا جۇمىسى تۋرالى ەسەپ جانە الەۋمەتتىك ارىپتەستىكتىڭ بارلىق قاتىسۋشىلارىنا ۇسىنىمدار دايىنداۋ;
5) كاسىپتىك جانە تەحنيكالىق ءبىلىم بەرۋ بويىنشا جەرگىلىكتى اتقارۋشى جانە وكىلەتتى ورگانداردا, ۇكىمەتتە قاراستىرىلعان جانە قابىلدانعان شەشىمدەر تۋرالى الەۋمەتتىك ارىپتەستەردى ۇنەمى اقپاراتتاندىرىپ وتىرۋ;
15. كوميسسيالارعا تەحنيكالىق جانە كاسىپتىك ءبىلىم بەرۋ سالاسىندا الەۋمەتتىك ماڭىزى زور جوبالاردى جانە باسقادا جاۋاپتى ءىس-شارالاردى دايىنداۋ جانە جۇزەگە اسىرۋ ءۇشىن تەحنيكالىق جانە كاسىپتىك ءبىلىم سالاسىنداعى ساراپشى مامانداردى تارتۋ قۇقىعى بەرىلەدى.
16. كوميسسيا قۇرامىنا كىرەتىن تۇلعالاردى شاقىرۋ جازباشا ءوتىنىش نەمەسە وكىلدەر قويعان تالاپتار نەگىزىندە جۇزەگە اسىرىلادى. بۇل جاعدايدا الەۋمەتتىك ارىپتەستىك تاراپتارىنىڭ قاتىسۋشىلارى كەتكەندەردىڭ ورنىنا جاڭا ۇمىتكەرلەردى ۇسىنۋعا قۇقىلى.
4. كوميسسيا قىزمەتىنىڭ توقتاتىلۋى
17. رەسپۋبليكالىق, وڭىرلىك دەڭگەيدەگى كوميسسيا قىزمەتى قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ شەشىمىمەن توقتاتىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 2 قازاندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8761 بولىپ ەنگىزىلدى.