پاۆلودار وبلىسىندا قۇقىق قورعاۋ ورگاندارىنىڭ قىزمەتكەرلەرى جەدەل جاردەم كولىگىن ماس كۇيىندە تىزگىندەگەن جۇرگىزۋشىنى توقتاتتى, دەپ حابارلايدى Egemen.kz.
وقيعا 5 جەلتوقساندا ورىن الىپ, «قۇقىقتىق ءتارتىپ» جەدەل الدىن الۋ ءىس-شاراسى اياسىندا انىقتالعان.
ساعات 00:15 شاماسىندا تەرەڭكول اۋدانىنىڭ پوليتسيا قىزمەتكەرلەرى جقس-دا «جەدەل جاردەم» كولىگىن توقتاتقان. قۇجاتتاردى تەكسەرۋ بارىسىندا ينسپەكتورلار جۇرگىزۋشىنىڭ سالعىرتتىعىن بايقاعان. كۋالاندىرۋ جۇرگىزىلىپ, ونىڭ ناتيجەلەرى بويىنشا جۇرگىزۋشىنىڭ ماس كۇيىندە بولعانى انىقتالدى.
«جۇرگىزۋشىگە قاتىستى قر اقبك 608-بابى بويىنشا اكىمشىلىك ءىس قوزعالدى, ماتەريال سوتقا جولداندى», دەيدى پاۆلودار وبلىسى پد جەرگىلىكتى پوليتسيا قىزمەتىنىڭ باستىعى عالىم سارعۇلوۆ.
ۆەدومستۆودا اتاپ وتكەندەي, اۋداندىق اۋرۋحانانىڭ اعا مەحانيگىنە قاتىستى قر اقبك 619-بابى بويىنشا اكىمشىلىك ماتەريال جاسالىپ, 40 اەك ايىپپۇل سالىندى.
ايتا كەتسەك, جەدەل الدىن الۋ ءىس-شاراسىنىڭ العاشقى كۇنىندە 650-گە جۋىق قۇقىق بۇزۋشىلىق انىقتالعان.
سپيرتتىك ىشىمدىكتەردى ىشكەنى نەمەسە قوعامدىق ورىندارعا ماس كۇيىندە بارعان 100-گە جۋىق ازامات جاۋاپكەرشىلىككە تارتىلسا, ولاردىڭ 14-ءى اۆتوكولىكتى ماس كۇيىندە باسقارعان.