يت جۇگىرتىپ, قۇس سالدى

ەلىمىزدىڭ تۇكپىر-تۇك­پىرىنەن جينالعان ساياتشىلار وسىمەن جيىرما ءتورتىنشى مارتە ۇيىمداستىرىلعان «سونارعا» جينالدى. وسى جولعى جارىسقا ەلى­مىزدىڭ 11 وبلىسىنان سۇڭقار, قار­شىعا ۇشىرىپ, بۇركىت باپ­تا­عان ءارى قۇماي تازى ەرتكەن سەك­سەننەن استام ساياتشى كەلگەن ەكەن.

– قارشىعا, بۇركىت, تازى يت­تەردىڭ اڭ اۋلاۋداعى ءادىس-ءتاسىلى ايرىقشا دامىپ كەلەدى. ولاردىڭ يەلەرىنە ىنتا­لاندىرۋعا بولىنگەن قارا­جات تا سوڭعى ءۇش جىلدا وتە جاق­سى دەڭگەيگە جەتتى. مىسالى, بيىل ءبىرىنشى ورىنعا ءبىر ميلليون تەڭگەگە دەيىن ماراپات تاعايىن­دالعان, – دەيدى وبلىستىق دەنە شى­نىقتىرۋ جانە سپورت باسقار­ماسىنىڭ باسشىسى نۇرباقىت تەڭىزباەۆ.

سونىمەن, بيىلعى «سونار» قى­­زىقتى دا تارتىستى ءوتتى. 4 كۇن­گە

سوزىلعان سايىستا تازىلار 350-500 مەترگە جۇگىرىپ جارىس­تى. جۇيرىكتىگى جەلمەن بىردەي قا­زاقى يتتەردىڭ ۇشقىرلىعى, ەپتىلىگى, سىنالدى. وسىلايشا, جوتادان ەستىلگەن قىران قۇستىڭ قيقۋى ساياتشىلاردىڭ دەلەبەسىن قوزدىردى. سايىستا الماتى وبلى­سىنان قاتىسقان قۇسبەگى ايەتباي ەرمۇحاننىڭ «نۇرا» اتتى بۇركىتى تۇلكىگە 23 سەكۋندتا جەتىپ, «بۇركىت» نوميناتسياسىندا ءبىرىنشى ورىندى يەلەندى. سونىمەن قاتار «قارشىعا» نو­ميناتسياسىندا 1-ورىندى سەيىت­جان بەكسۇلتان يەلەندى. ال سۇڭقارلاردىڭ اراسىندا «قا­راكوز» اتتى قۇس بالاسى مىق­تىلىعىن تانىتىپ, ونىڭ يەسى كو­دەكوۆ مۇرات 1-ورىننان كورىندى. جانە «قۇماي تازى» نوميناتسياسىندا «تۇيعىن» اتتى تازى بارىنەن وزىپ كەلىپ, باپكەرى ايدوس وسپانوۆتىڭ قانجىعاسىنا 1-ورىندى بايلاپ بەردى.

الماتى وبلىسى