اقمولا وبلىسىندا ەڭبەكتى قورعاۋ ەرەجەلەرىن بۇزۋ وقيعاسى بويىنشا سوتقا دەيىنگى تەرگەۋ جۇرگىزىلىپ جاتىر, دەپ حابارلايدى Egemen.kz.
بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى ءمالىم ەتتى.
باسقارمانىڭ مالىمەتىنشە, 30 قاراشادا كوكشەتاۋ قالاسى پوليتسيا باسقارماسىنىڭ كەزەكشى بولىمىنە وبلىس ورتالىعىنىڭ 34 جاستاعى تۇرعىنى وبلىستىق اۋرۋحاناعا جەتكىزىلگەنى تۋرالى حابار تۇسەدى.
«ەر ادام «جابىق مي جاراقاتى, سول جاقتاعى 6-شى قابىرعانىڭ سىنۋى» دياگنوزىمەن اۋرۋحاناعا ءتۇستى. جەدەل-تەرگەۋ توبى ونىڭ 30 قاراشا كۇنى جاڭادان سالىنىپ جاتقان كوپپاتەرلى تۇرعىن ءۇيدىڭ 5-قاباتىنان قۇلاعانىن انىقتادى. وسى جاعدايعا بايلانىستى قىلمىستىق كودەكستىڭ 156-شى بابىنىڭ 1-ءشى بولىگى «ەڭبەكتى قورعاۋ ەرەجەلەرىن بۇزۋ» بويىنشا سوتقا دەيىنگى ءىس جۇرگىزۋ باستالدى. تەكسەرۋ جۇرگىزىلەدى» دەدى ۆەدومستۆودان.