قاراقالپاقستان رەسپۋبليكاسىنىڭ ءامۋداريا وبلىسىندا قالىڭ توعاي اراسىنداعى ءورتتى ءسوندىرۋ مۇمكىن بولماي تۇر, دەپ جازادى Egemen.kz.
ءورتتىڭ شىعۋ سەبەبى ازىرگە بەلگىسىز. ەشكىم زارداپ شەككەن جوق. وسىمدىكتەر مەن فاۋناعا كەلتىرىلگەن شىعىن ءالى ەسەپتەلمەگەن.
اۋدانداعى ءورتتى سوندىرۋگە 500 ادام مەن 10-نان استام تەحنيكا جۇمىلدىرىلعان. بىراق ءورت بىرنەشە رەت سوندىرىلسە دە, قايتا تۇتانۋدا.
قازىرگى ۋاقىتتا ءورت تۇركىمەنستانمەن شەكارادا ورنالاسقان ۇيلەرگە جاقىنداپ قالعان. ءورتتى ءسوندىرۋ جۇمىستارى جالعاسۋدا.