قازاقستاندا ءدارى-دارمەكتىڭ باعاسى ءار جەردە ءارتۇرلى

Ranking.kz زەرتتەۋلەرىنە سايكەس, فارمپرەپاراتتار جىلىنا 2%-عا, ەمدەۋ جابدىقتارى مەن اپپاراتۋراسى 5%-عا قىمباتتادى.

پورتالدىڭ مالىمەتىنشە, قازان ايىنىڭ قورىتىندىسى بويىنشا قازاقستاندا ءدارى-دارمەكتەر, ەمدەۋ جابدىقتارى مەن اپپاراتۋرالارى ءبىر ايدا 0,4%-عا جانە ءبىر جىلدا 2,4%-عا قىمباتتادى.

اي سايىنعى ديناميكادا فارمسەكتورداعى باعانىڭ ەڭ جوعارى ءوسۋى الماتى (1,7%), قوستاناي (1,5%) جانە تۇركىستان (1%) وبلىستارىندا بايقالدى.

«جىلدىق ديناميكادا اقمولا جانە ماڭعىستاۋ وبلىستارىنىڭ (8,1%-عا), سونداي-اق استانانىڭ (7%-عا) تۇرعىندارى قىمباتتاۋدى قاتتى سەزىندى. باعانىڭ جىلدىق ءوسۋى ەلدىڭ 17 ايماعىنىڭ 16-دا بايقالدى. جامبىل وبلىسىندا باعا 0,3%- عا ازداپ تومەندەدى», دەپ جازادى Ranking.kz.

ساراپشىلاردىڭ دەرەكتەرىنە سايكەس, تىكەلەي فارماتسەۆتيكالىق ءونىم جىلىنا 2,4%-عا, ەمدەۋ جابدىعى مەن اپپاراتۋراسى 5,4%-عا قىمباتتادى.

اقمولا وبلىسىنىڭ (8,2%-عا), ماڭعىستاۋ وبلىسىنىڭ (8,1%-عا) جانە نۇر-سۇلتان قالاسىنىڭ (7%-عا) تۇرعىندارى فارماتسەۆتيكالىق ءونىم باعاسىنىڭ جىلدىق ءوسۋىن بارىنشا سەزىندى. ەڭ تومەنگى ءوسىم الماتىدا تىركەلدى: 0,2%-عا.  جامبىل مەن تۇركىستان وبلىستارىندا باعا ءبىر جىلدا 0,4%-عا تومەندەدى.

بۇدان باسقا, ەمدىك جابدىقتار مەن اپپاراتۋرانىڭ قىمباتتاۋى قوستاناي وبلىسىندا تىركەلگەن - 15,1%. انتيل-ليدەرلەردىڭ ۇشتىگىنە تۇركىستان (14,8%-عا) جانە ماڭعىستاۋ (11,7%-عا) وبلىستارى دا كىردى. اقتوبە وبلىسىندا باعالار, كەرىسىنشە, 1,8%-عا تومەندەدى.

«اكۆالور» 125 مل 9,8%-عا, 2 مىڭ تەڭگەگە دەيىن, «نو-شپا» 40 مگ, 100 تابلەتكا - 9%-عا, 2,7 مىڭ تەڭگەگە دەيىن, «ەسسەنتسيالە فورتە ن» 30 كاپسۋلا - 8,2%-عا, 2,9 مىڭ تەڭگەگە دەيىن قىمباتتادى.

اتسەتيلساليتسيل قىشقىلى (11,5% - عا, 10 تابلەتكا ءۇشىن 51 تگ دەيىن), پاراتسەتامول (8,7% - عا, 10 تابلەتكا ءۇشىن 81 تگ دەيىن), ازيتروميتسين (3,7% - عا, 500 مگ-نان 3 تابلەتكا ءۇشىن 931 تگ دەيىن) سياقتى دارىلىك زاتتار ارزاندادى. سونداي-اق, «گيپوتيازيد» باعاسى 25 مگ, 20 تابلەتكا (1% - عا, 1,1 مىڭ تەڭگەگە دەيىن) جانە «ۆەروشپيرون» باعاسى 100 مگ, 30 كاپسۋلا (0,6% - عا, 2,2 مىڭ تەڭگەگە دەيىن) تومەندەدى.