سولتۇستىك قازاقستان وبلىسى ادۆوكاتتار القاسىنىڭ مۇشەسى تۇرمەگە قامالدى. ول ءوز قورعاۋىنداعى ازاماتتىڭ ءىسىن وڭ شەشىپ بەرەمىن دەپ, ودان 25 مىڭ دوللار سۇراعان ەكەن.
اسقار جاناباەۆ وتكەن جىلدىڭ ناۋرىز ايىندا پارا الىپ جاتقان جەرىندە ۇستالعان بولاتىن. ەندى تۇسىنىكتى بولۋ ءۇشىن باسىنان باستايىق. ول قورعاۋىنداعى ازاماتتان العاشىندا 5 مىڭ دوللار العان كورىنەدى. تەرگەۋ بارىسىندا ونىڭ ايىپتالۋشىدان تاعى اقشا تالاپ ەتكەنى ءمالىم بولدى.
«اسقار جاناباەۆ قىلمىستىق كودەكستىڭ 58-بابى 3-بولىگىنە سايكەس, ايىپتى دەپ تانىلدى. وسىعان وراي, وعان 10 جىلعا باس بوستاندىعىنان ايىرۋ جازاسى تاعايىندالسىن», – دەپ ۇكىم شىعاردى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى باۋىرجان بايمۇرزين.
ايدار ورىسباەۆ,
«ەگەمەن قازاقستان».
پەتروپاۆل.