قازاقستاندىق بوكسشى گەننادي گولوۆكين (41-1-1, 36 كو) ۇلىبريتانياعا ورالىپ, ەكىنشى جەكپە-جەگىن سول جەردە وتكىزۋگە دايىن ەكەنىن مالىمدەدى, دەپ حابارلايدى Egemen.kz Sports.kz-كە سىلتەمە جاساپ.
«ەگەر قىزىقتى ۇسىنىس تۋىنداپ جاتسا, ۇلىبريتانيادا جەكپە-جەككە سۇرانىس بولسا, مەن ونى قاراستىرۋعا دايىنمىن. سەبەبى وندا مەنىڭ جانكۇيەرلەرىمنىڭ ەڭ ۇلكەن توبى بار», دەدى گولوۆكين.
ەسكە سالا كەتسەك, 39 جاستاعى قازاقستاندىق 2016 جىلى ۇلىبريتانيادا جەرگىلىكتى بوكسشى كەلل برۋكپەن (39-3, 27 كو) جۇدىرىقتاسىپ, بەسىنشى راۋندتا قارسىلاسىن تەحنيكالىق نوكاۋتپەن جەڭگەن بولاتىن.
باستاپقىدا GGG-ءدىڭ قارسىلاسى تاعى ءبىر بريتاندىق كريس يۋبەنك (31-2, 23 كو) بولۋى كەرەك ەدى, بىراق ونىمەن كەلىسسوزدەر توقتاپ قالدى.