جۇما كۇنى جاڭا ۆيرۋس ءتۇرى تۋرالى جاڭالىق الەمدىك بيرجاداعى مۇناي باعاسىنىڭ 12%-عا تومەندەۋىنە اكەلدى. بۇل سوڭعى ءبىر جارىم جىلداعى ەڭ ۇلكەن قۇلدىراۋ, دەپ حابارلايدى Egemen.kz ۆۆس-گە سىلتەمە جاساپ.
ەنەرگەتيكالىق داعدارىستىڭ جالعاسۋىنا قاراماستان, ينۆەستورلار پاندەميانىڭ جاڭا تولقىنى ادامداردىڭ قوزعالىسىن ايتارلىقتاي شەكتەپ, وتىنعا دەگەن سۇرانىستى تومەندەتىپ, جالپى ەكونوميكالىق ءوسۋدى باياۋلاتادى دەپ ۇرەيلەنىپ وتىر.
سوعان قاراماستان, التىن قىمباتتاپ جاتىر. ەگەر وتىنعا سۇرانىس تومەندەي بەرسە, الەمدىك ەكونوميكانى قالپىنا كەلتىرۋ ودان دا ۇزاق جانە كۇردەلى بولادى. اسىرەسە, اۋە كومپانيالارى مەن تۋريستىك كاسىپورىنداردىڭ اكتسيالارى 10-15%-عا تومەندەدى.
بىراق ددسۇ وكىلدەرى بارلىق ەلدەردى دۇربەلەڭ تۋدىرماۋعا جانە جاڭا شەكتەۋلەر ەنگىزۋگە اسىقپاۋعا شاقىرىپ جاتىر.
نيۋ-يورك بيرجاسىنداعى Dow Jones يندەكسى ءبىر كۇندە 2,5%-عا تومەندەدى.