پەرۋداعى وپپوزيتسيالىق پارتيالار پرەزيدەنت پەدرو كاستيلونى «مورالدىق قابىلەتسىزدىگىنە» بايلانىستى قىزمەتىنەن كەتىرۋدى تالاپ ەتتى, دەپ حابارلايدى Egemen.kz.
ءتيىستى قۇجاتتى ءۇش وپپوزيتسيالىق پارتيانىڭ 28 پارلامەنتاريى قولدادى.
وپپوزيتسياشىلار مەملەكەت باسشىسىن «مورالدىق قابىلەتسىز» جانە سايلاۋ ناۋقانى كەزىندە ۇكىمەت قاراجاتىن زاڭسىز پايدالاندى دەپ ايىپتايدى.
پەرۋ زاڭى پلەنارلىق وتىرىسقا ماسەلەنى شىعارۋ ءۇشىن 130 كونگرەسسمەننىڭ 52-ءسىنىڭ قولداۋىن تالاپ ەتەدى جانە يمپيچمەنت جاريالاۋ ءۇشىن كونگرەسستىڭ 130 مۇشەسىنىڭ كەمىندە 87-ءسى داۋىس بەرۋى كەرەك.
ساراپشىلار مەن جەرگىلىكتى باق وپپوزيتسيالىق پارتيالاردىڭ قاراردى تالقىلاپ, قابىلداۋعا كونگرەسستە جەتكىلىكتى قولداۋى جوق دەپ ەسەپتەيدى.
وپپوزيتسيا ۇكىمەتتىڭ باق-قا قاتىگەزدىكپەن قارايتىنىن, قوعام الدىندا ەسەپ بەرمەيدى جانە ءسوز بوستاندىعىن قامتاماسىز ەتۋ ءۇشىن ەشقانداي كۇش سالمايدى دەگەندى العا تارتادى.