قازاقستاندا 7-8 جەلتوقساندا ءبىلىم بەرۋدەگى جاڭا تەحنولوگيالار بويىنشا الەمدەگى ەڭ ىرى كونفەرەنتسيالاردىڭ ءبىرى – EdCrunch Glocal وتەدى, دەپ حابارلايدى Egemen.kz.
8 جىل بۇرىن قۇرىلعان كونفەرەنتسيا ەل تاۋەلسىزدىگىنىڭ 30 جىلدىعىن مەرەكەلەۋ قارساڭىندا الماتى قالاسىندا وتپەك. ءىس-شاراعا ماسكەۋ, تەل-اۆيۆ پەن سينگاپۋردەگى جەرگىلىكتى ونلاين-ستۋديالاردىڭ سپيكەرلەرى قوسىلادى. وتكەن جىلى گيبريدتى (وفلاين جانە ونلاين) فورماتتاوتكىزىلگەن كونفەرەنتسياعا 14000-نان استام ادام قاتىستى. مەملەكەتتىك ءبىلىم بەرۋ ۇيىمدارىنىڭ وكىلدەرى ءۇشىن قاتىسۋ ادەتتەگىدەي تەگىن بولادى.
كونفەرەنتسيا باعدارلاماسى بەس بولىمنەن تۇرادى: ەرتە بالالىق شاق, 21 عاسىر مەكتەبى, تسيفرلى ۋنيۆەرسيتەت, كورپوراتيۆتى وقىتۋ جانە EdTech.
2021 جىلدىڭ باستى تاقىرىبى – «جاڭا ءبىلىم بەرۋ تاجىريبەسىن جوبالاۋ» (Learning experience design). 25 ەلدەن كەلگەن 300-دەن استام سپيكەرلەر 150 ساراپتامالىق سەسسيا, پانەلدىك پىكىرتالاس جانە شەبەرلىك سىنىپتارىن وتكىزەدى. ولار پەداگوگيكالىق ديزاين سالاسىنداعى وزىق تاجىريبەلەرىمەن بولىسەدى, بىرەگەي يدەيالار مەن جاڭالىقتاردى كەڭ اۋديتورياعا جەتكىزۋ ءۇشىن ءبىلىم بەرۋ سالاسىنىڭ بولاشاعى مەن جاڭا تەحنولوگيالاردىڭ, وقىتۋ سالاسىنداعى عىلىمي جەتىستىكتەردىڭ اسەرىن تالقىلايتىن بولادى:
• پالو-التو ورتا مەكتەبىندەگى مەدياونەر باعدارلاماسىنىڭ نەگىزىن قالاۋشى, «تابىستى ادامدى قالاي تاربيەلەۋ كەرەك» الەمدىك بەستسەللەرىنىڭ اۆتورى, Google كەڭەسشىسى, ءۇش قىزدىڭ اناسى (ولاردىڭ ەكەۋى Youtube جانە 23 and Me جەكە گەنوميكا كومپانيالارىنىڭ باس ديرەكتورلارى, ال ءۇشىنشىسى – تانىمال پەدياتر-دارىگەر) ەستەر ۆويدجيتسكي بالانى كىشكەنتاي كەزىنەن جەتىستىككە قالاي جەتەلەۋگە بولاتىندىعى تۋرالى كەڭەس بەرەدى. ول ءوزىنىڭ پەداگوگيكالىق ءتاسىلىن بەسكە ءبولىپ قاراستىرادى: ءوز-وزىنە سەنۋ, ءوز-ءوزىن قۇرمەتتەۋ, دەربەستىك, ىنتىماقتاستىق, اقجۇرەكتىك.
• نيۋ-يورك ۋنيۆەرسيتەتىنىڭ نەيروندىق عىلىمدار جانە پسيحولوگيا پروفەسسورى, «ميعا عاشىق بولعان قىز» بەستسەللەرىنىڭ اۆتورى, الەمگە ايگىلى نەيروبيولوگ, «وڭتايلى مازاسىزدىق» كىتابىنىڭ اۆتورى ۆەندي سۋزۋكي جاعىمسىز ەموتسيالاردىڭ كۇشتى جاقتارىن قالاي قولدانۋ كەرەكتىگىن تالقىلايدى جانە مازاسىز سەزىمدەردى قالاي ونىمدىلىككە وزگەرتۋگە بولاتىندىعىن تۇسىندىرەدى. سونىمەن قاتار, تاماقتانۋ مەن فيزيكالىق بەلسەندىلىك, جاس پەن جىنىستىق قاتىناس, الەۋمەتتىك جەلى مەن تەحنولوگيالاردىڭ ميدىڭ جۇمىسىنا قالاي اسەر ەتەتىنىن تالقىلايدى.
• ءبىلىم بەرۋ سالاسىنداعى الەمگە ايگىلى ساراپشى, گارۆارد ۋنيۆەرسيتەتى جانىنداعى يننوۆاتسيالىق ءبىلىم بەرۋ باعدارلامالارى ورتالىعىنىڭ عىلىمي قىزمەتكەرى, «يننوۆاتورلاردى جاساۋ: الەمدى وزگەرتەتىن جاستاردى قالاي تاربيەلەۋ كەرەك» بەستسەللەرىنىڭ اۆتورى, «تابىسقا جەتەلەنگەندەر» جانە «فينليانديا فەنومەنى: الەمدەگى ەڭ عاجايىپ مەكتەپ جۇيەسى» اتتى تانىمال دەرەكتى فيلمدەردىڭ اۆتورى توني ۆاگنەريننوۆاتورلار بۋىنىن قالاي تاربيەلەۋ كەرەكتىگىن ايتىپ بەرەدى. 2021 جىلى ول Better World Ed اتتى دۇنيەجۇزىلىك الەۋمەتتىك-ەموتسيونالدى دامۋ باستاماسى جانە وقۋ جوسپارىنا قوسىلدى.
• LX Design پيونەرى, ء«بىلىم بەرۋ تاجىريبەسىن جوبالاۋ» تەرمينىنىڭ اۆتورى, LXD Canvas كونفەرەنتسياسىنىڭ باعدارلامالىق ديرەكتورى نيلس فلورا ساندىق ءبىلىم بەرۋ سالاسى ءۇشىن ونىڭ ءمانى مەن ماڭىزدىلىعىن اشادى.
كونفەرەنتسيانىڭ باعدارلامالىق ديرەكتورى جانە «ميسيس» عزتۋ ورتالىعىنىڭ ديرەكتورى نۋرلان كياسوۆتىڭ ايتۋىنشا, EdCrunch ماقساتى ءتيىمدى وقىتۋ ارقىلى اركىمگە ءوزىن-ءوزى دامىتۋعا قولداۋ كورسەتۋ بولىپ تابىلادى: «بىز مۇعالىمدەر مەن ساياساتكەرلەردەن باستاپ, كورنەكتى زەرتتەۋشىلەر مەن باعدارلاماشىلارعا دەيىنگى الەمنىڭ ۇزدىك ساراپشىلارىن بىرەگەي يدەيالارى مەن جاڭالىقتارىن كەڭ اۋديتورياعا جەتكىزۋگە شاقىرامىز. ەڭ كەرەمەت يدەيالار ۋنيۆەرسيتەت قابىرعاسىمەن, سىنىپ اياسىمەن نەمەسە كىتاپسورەلەرىمەن عانا شەكتەلىپ قالماۋى كەرەك. ولاردى قولداپ, ءبولىسىپ, تالقىلاپ جانە قابىلداۋ مەن دامىتۋ قاجەت. ينۆەستورلار مەن قۇرىلتايشىلار, ساياساتكەرلر مەن فيلانتروپتار, وقىتۋشىلار, ستۋدەنتتەر جانە ءبىلىم بەرۋ تاجىريبەسىنە قىزىعۋشىلىق تانىتقاندار EdCrunch Glocal-دا بولۋى كەرەك».
كونفەرەنتسيا قورىتىندىسى بويىنشا قاتىسۋشىلار ءارتۇرلى سالالاردا پراكتيكالىق تاجىريبە الىپ, كەلەسى سۇراقتارعا جاۋاپ تابا الادى: مەكتەپ جاسىنا دەيىنگى بالالارعا ارنالعان ەرتە دامۋ ادىستەمەسىن قالاي تاڭداۋ كەرەك, ولاردىڭ الۋان تۇرلىلىگىندە قالاي شاتاسىپ كەتپەۋگە بولادى; ساندىق تەحنولوگيالاردى باعىندىرۋ جولدارى مەن گادجەتتەردى بالالار قابىلەتتەرىنىڭ اكسەلەراتورىنا اينالدىرۋ; EdTech كومپانيالارىنىڭ ساپانى جوعالتپاستان بيزنەستى ماسشتابتاۋى; مەكتەپ جاسىنا دەيىنگى بالالاردان باستاپ,ۇزدىكسىز ءبىلىم دەڭگەيىنە دەيىنگى جوبالارعا ينۆەستيتسيا تارتۋ جانە ولاردى ءارتۇرلى ءبىلىم بەرۋ جۇيەلەرىنە ءتيىمدى ەنگىزۋ جولدارى.
سونداي-اق سپيكەرلەر كەلەسى تاقىرىپتاردى تالقىلايتىن بولادى: داۋىستىق كومەكشىلەردەن باستاپ, جاساندى ينتەللەكتكە دەيىنگى ءبىلىم بەرۋدەگى جاڭا تەحنولوگيالاردىڭ الەۋەتى; پوستكوۆيدتىك كەزەڭدەگى مەكتەپ ءبىلىمىنىڭ رەۆوليۋتسيالىق فورماتتارى; نەيروبيولوگيانى ماكسيمالدى تيىمدىلىكتىڭ نەگىزى رەتىندە قاراستىرۋ; مەديا, ويىن-ساۋىق, سپورت سالالارىنداعى ءبىلىم بەرۋ كەڭەستەرى مەن EdTech-تەگى جاھاندىق جانە جەرگىلىكتى ترەندتەر.
EdCrunch Glocal شاراسىنىڭ ۇيىمداستىرۋشىلارى قازاقستان رەسپۋبليكاسى ءبىلىم جانە عىلىم مينيسترلىگىنىڭ قولداۋىمەن الماتى قالاسىنىڭ اكىمدىگى, نازارباەۆ زياتكەرلىك مەكتەپتەرى. باس سەرىكتەستەر – «Altyn Qyran Foundation» قوعامدىق قورى, «الماتىكىتاپ باسپاسى» جانە ء«سابي» قايىرىمدىلىق قورى.EdCrunch كونفەرەنتسياسى العاش رەت 2014 جىلى ماسكەۋدە «ميسيس» ۇزتۋ-دىڭ قولداۋىمەن ءوتتى. حەدلاينەرى Coursera نەگىزىن قالاۋشى دافنا كوللەر بولدى. ءىس-شاراعا 1 500 ادام قاتىستى. ءبىرىنشى كونفەرەنتسيانىڭ كۇن ءتارتىبى تسيفرلىق تەحنولوگيالار مەن جوعارى ءبىلىم بەرۋدەگى جاڭا تاسىلدەرگە باسا نازار اۋداردى. كەلەسى جىلدارى EdCrunch ءبىلىم بەرۋدىڭ باسقا دا دەڭگەيلەرىن (مەكتەپكە دەيىنگى, مەكتەپ, جوعارى, كورپوراتيۆتى جانە EdTech ستارتاپتارىنا ارنالعان باعىتتا) اۋقىمدى قامتىدى. بۇگىندە كونفەرەنتسيا ارالاس فورماتتا: كوزبە-كوز جانە الەمنىڭ بىرنەشە ەلىنىڭ ونلاين-ستۋديالارىنىڭ قوسىلۋىمەن وتەدى.
EdCrunch ينتەراكتيۆتى پلاتفورماسى
پاندەميا جاعدايىندا ارنايى ازىرلەنگەن EdCrunch ينتەراكتيۆتى پلاتفورماسى سەسسيالاردى پاراللەل ارنالاردا قاراۋعا, جەكە ىڭعايلى كەستەنى قۇراستىرۋعا, ءتيىستى سەسسيالاردىڭ ۇسىنىمدارىن جانە پايدالانۋشىنىڭ پروفيلىندەگى اقپارات نەگىزىندە قاتىسۋشىلار بايلانىسىن الۋعا مۇمكىندىك بەرەدى.
بارلىق قاتىسۋشىلار سپيكەرلەرگە سويلەۋ كەزىندە جانە ودان كەيىن سۇراقتار قويا الادى, باسقا پايدالانۋشىلارمەن جەكە جانە ورتاق چاتتاردا حات الماسىپ, EdTech ونىمدەرىمەن جانە ولاردىڭ ازىرلەۋشىلەرىمەن EdCrunch Expo ۆيرتۋالدى كورمەسى ارقىلى تانىسا الادى. پلاتفورمادا بەلسەندىلىك تانىتقانى ءۇشىن قاتىسۋشىلار ۇپاي جيناپ سىيلىقتار ۇتىپ الا الادى.