سلوۆاكيا بيلىگى بۇكىل حالىققا, سونىڭ ىشىندە COVID-19-دان ايىققان جانە كوروناۆيرۋسقا قارسى ۆاكتسينا العاندارعا ەكى اپتالىق قاتاڭ لوكداۋن ەنگىزدى, دەپ حابارلايدى Egemen.kz.
بۇل تۋرالى Reuters اگەنتتىگى ءمالىم ەتتى.
ەلدە بارلىق قوعامدىق تاماقتانۋ ورىنى جابىلدى, سونىمەن قاتار ازىق-ت ۇلىك ساتاتىن دۇكەندەردەن باسقا ەڭ قاجەتتى تاۋار ساتاتىن دۇكەندەر, ءدارىحانالار, جانار-جاعارماي قۇيۋ ستانتسيالارى جانە ماڭىزدى ينفراقۇرىلىم دۇكەندەرى عانا جۇمىس ىستەيدى. ادامدارعا جاقىن جەردەگى دۇكەنگە, جۇمىسقا, ەكپە الۋعا نەمەسە اۋرۋحاناعا بارۋ ءۇشىن عانا ۇيدەن شىعۋعا رۇقسات ەتىلگەن.
ۋنيۆەرسيتەتتەر مەن كوللەدجدەر تولىقتاي, مەكتەپتەر ءىشىنارا قاشىقتان وقىتۋعا كوشتى. يتتەردى تۇرعىلىقتى جەرىنەن 500 مەتردەن اسپايتىن جەردە سەرۋەندەتۋگە بولادى.
ۇكىمەت 10 كۇننەن كەيىن ۆاكتسينا العاندار ءۇشىن كەيبىر شەكتەۋلەر جەڭىلدەۋى مۇمكىن دەپ مالىمدەدى. لوكداۋنعا قوسا سلوۆاكيا ۇكىمەتى قوزعالىس ەركىندىگىن شەكتەيتىن 90 كۇندىك توتەنشە جاعداي جاريالادى. ەلدە كومەندانتتىق ساعات ەنگىزىلەدى: ادامدارعا ساعات 1.00-دەن 5.00-گە دەيىن ۇيدەن شىعۋعا تىيىم سالىنادى.
بيلىك اۋرۋحانالارداعى جاعداي قيىن دەپ باعالاپ وتىر, سونىمەن قاتار SARS-CoV-2 جاڭا ينفەكتسيالارىنىڭ كۇندەلىكتى سانى كۇرت كوبەيىپ كەتكەن. الەمدەگى كوروناۆيرۋسقا قاتىستى جاعدايدى باقىلايتىن Worldometers پورتالى مالىمەتى بويىنشا, سلوۆاكيادا پاندەميا باستالعالى بەرى 641 903 ادام ۆيرۋس جۇقتىرعان, سوڭعى 24 ساعاتتا 10 165 ادام تىركەلگەن.
بۇعان دەيىن قازاقستان سلوۆاكيانىڭ ۇلتتىق سەرتيفيكاتتارى مەن ۆاكتسيناتسيا تولقۇجاتتارىن ءوزارا تانۋ مۇمكىندىگىن قاراستىرۋدى ۇسىنعان بولاتىن.