بۇل كۇندەرى نۇر-سۇلتانداعى «داۋلەت» تەننيس ورتالىعىندا 12 جاسقا دەيىنگى ۇلدار مەن قىزدار اراسىندا ازيانىڭ كوماندالىق بىرىنشىلىگى ءوتىپ جاتىر.
2019 جىلى سارى قۇرلىقتىڭ تەڭدەسسىز كومانداسى اتانعان قازاقستاننىڭ قىزدار قۇراماسى بيىل دا سول بەلەسكە جاقىنداي ءتۇستى. جارىستىڭ ەكىنشى كۇنى جەرلەستەرىمىز مالايزيامەن كەزدەسىپ, 3:0 ەسەبىمەن ايقىن جەڭىسكە قول جەتكىزدى. بۇل باسەكەلەردە ءسابينا شۋحراتوۆا اداني رايناندى, ەۆا كورىشەۆا داني دانيەلانى ويسىراتا ۇتسا, جۇپتىق سايىستا دا قارسىلاستارىمىز ەش قايرات كورسەتە العان جوق. توپتىق تۋرنيردەگى سوڭعى ويىندى قىزدارىمىز ەندى ءۇندىستان قۇراماسىمەن وتكىزەدى. وسى ماتچتىڭ ناتيجەسىنە قاراماستان جەرلەستەرىمىز جارتىلاي فينالعا جولداما الۋ ماسەلەسىن شەشىپ تاستادى.
ال ەلىمىزدىڭ ۇلدار قۇراماسى كەشە تايلاندتىڭ تەننيسشىلەرىنە 1:2 ەسەبىمەن ەسە جىبەردى. ەندى جارتىلاي فينالعا شىعۋ ءۇشىن قازاقستاندىقتار يوردانيا ويىنشىلارىن قالاي دا ۇتۋى كەرەك.