قر قارجى ۆيتسە-ءمينيسترى مارات سۇلتانعازيەۆ قازاقستاندا «بايلىق سالىعىن» ەنگىزۋ ماسەلەسى 2022 جىلى قارالاتىنىن ايتتى, دەپ حابارلايدى Egemen.kz.
بۇگىن سەناتتىڭ جالپى وتىرىسىندا سەناتور مۇرات باقتيار ۇلى ءسان-سالتاناتتى زاتتارعا ارنايى سالىق سالۋ ماسەلەسىن كوتەردى.
«2019 جىلى پرەزيدەنت ءوز جولداۋىندا «جالپى ىشكى ءونىم مەن حالىق تابىسىنىڭ ارتۋىنا قاراماستان, قوعامدا م ۇلىكتىك جىكتەلۋ ۇدەرىسى ساقتالىپ وتىر. بۇل - الاڭداتارلىق فاكتور. سوندىقتان وعان ەرەكشە نازار اۋدارۋ كەرەك» دەگەن بولاتىن. وسىعان بايلانىستى حالىقارالىق تاجىريبەدە كوپتەگەن ەلدە بار, ءسان-سالتاناتقا ارنايى سالىق ەنگىزۋ وتە وزەكتى ماسەلە دەپ ەسەپتەيمىن. بۇل جەردە قىمبات ەليتالى جىلجىمايتىن م ۇلىكتەر, ۇشاقتار, ياحتالار, قىمبات اۆتووكلىكتەر, زەرگەرلىك بۇيىمدار سياقتى ءسان-سالتاناتتى زاتتارعا ارنايى سالىق سالۋدىڭ ادىلەتتى جۇيەسىن قالىپتاستىرادى دەپ ويلايمىن. بۇل تۇرعىدا ءتيىستى ۆەدومستۆونىڭ كوزقاراسى قانداي», دەپ سۇرادى سەناتور.
ءوز كەزەگىندە ۆيتسە-مينيستر م. سۇلتانعازيەۆ بۇل ماسەلە قاراستىرىلىپ جاتقانىن ايتتى. «وعان سالىقتى ءبىز قاراستىرىپ جاتىرمىز. وسى ورايدا بيزنەسپەن تالقىلاۋ جۇمىستارى ءجۇرىپ جاتىر. كەلەسى جىلى ۇكىمەتتىڭ جوباسىمەن ەنگىزىلەتىن بولادى», دەدى مارات سۇلتانعازيەۆ.