وبلىستىڭ ون ەكى اۋدانى مەن ەمبى قالاسىندا اقتوبە وبلىسى كاسىپكەرلەرى پالاتاسىنىڭ فيليالدارى اشىلىپ, ءوز جۇمىستارىن باستادى. فيليال ديرەكتورلارىنىڭ ءتيىمدى جۇمىس ىستەۋى ءۇشىن تانىستىرۋ سەمينارى ۇيىمداستىرىلىپ, وندا ولار پالاتانىڭ نەگىزگى قىزمەت باعىتتارىمەن تانىستىرىلدى. بۇدان باسقا ساراپشىلار سەمينارعا قاتىسۋشىلارعا بلوكتار بويىنشا تۇساۋكەسەرلەر وتكىزدى. وبلىستىق كاسىپكەرلەر پالاتاسى اكىمشىلىك ءبولىمىنىڭ باستىعى ءايرا ابۋباكىروۆا جاڭادان تاعايىندالعان فيليال ديرەكتورلارىن جاڭا قىزمەتتەرىمەن قۇتتىقتاپ, ورتاق ىستە تابىس تىلەدى.
ءبىزدىڭ باستى مىندەتىمىز ورتالىقتان شالعايدا جۇمىس ىستەيتىن بيزنەس قۇرىلىمدارىنىڭ مۇددەسىن قولداۋ, قۇقىعىن قورعاۋ بولىپ تابىلادى. ءبىزدىڭ قۇرىلىمدى كاسىپكەرلىك ورتامەن جانە مەملەكەتتىك ورگاندار اراسىنداعى كەلىسىم الاڭى دەسە بولادى. سىزدەرگە الىس اۋىلدىق جەردە كاسىپكەرلىكتىڭ كەدەرگىسىز دامۋى ءۇشىن ۇلكەن جاۋاپكەرشىلىك جۇكتەلىپ وتىر, دەپ اتاپ ءوتتى ول.
فيليالدار باسشىلارىنا جۇمىستى ويداعىداي ۇيىمداستىرۋ تاپسىرىلدى. ولارعا فيليالداردى تىركەۋ قۇجاتتارى جانە جۇمىستا باسشىلىققا الاتىن ماتەريالدار ۇلەستىرىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.