شىمكەنتتە اۋەجايدىڭ جاڭا جولاۋشىلار تەرمينالىنىڭ قۇرىلىس جۇمىستارى جۇرگىزىلۋدە, دەپ جازادى Egemen.kz.
بۇگىنگى تاڭدا جوبانىڭ ءبىرىنشى كەزەڭى تولىعىمەن 100 پايىزعا ورىندالدى. ال جوبانىڭ ەكىنشى كەزەڭى بويىنشا قۇرىلىس جۇمىستارى قارقىن العان. قاسبەتتىك جۇيەلەردى مونتاجداۋ جۇمىستارى اياقتالدى. قازىرگى تاڭدا, جولاۋشىلار تەرمينالى قۇرىلىسىنىڭ 80 % جۇمىستارى ورىندالدى.
«شىمكەنت قالاسى اكىمىنىڭ ورىنباسارى ماقسۇت يساحوۆ اۋەجايدىڭ جاڭا جولاۋشىلار تەرمينالىنىڭ قۇرىلىس جۇمىستارىمەن تانىسىپ, اۋەجاي اۋماعىن اباتتاندىرۋعا ارنالعان جوبالاردىڭ جۇزەگە اسىرىلۋ بارىسىن تەكسەردى», دەپ حابارلادى شىمكەنت قالاسى اكىمدىگىنىڭ ءباسپاسوز قىزمەتى.
وتكەن جىلى قالا اكىمدىگىمەن 912 ملن تەڭگەگە اۋەجاي الدىنداعى الاڭداعى اۆتوتۇراقتى اباتتاندىرۋ بويىنشا جۇمىستار جۇرگىزىلىپ, اياقتالعان بولاتىن. سونداي-اق, جوبالىق قۇنى 1,7 ملرد تەڭگە قۇرايتىن جاڭا كىرمە جولدى سالۋ بويىنشا جۇمىستار دا اياقتالىپ وتىر.