قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» كەزەكتى تۋر ويىنىن نۇر-سۇلتاندا مينسكىنىڭ «ديناموسىمەن» وتكىزدى.
قاتارىنان ءتورت رەت ۇتىلىپ, وسىنىڭ الدىندا عانا «سەۆەرستالدى» سان سوقتىرعان جەرلەستەرىمىز وسى جولى دا جەڭىستى قارسىلاستارىنىڭ ۋىسىنان ج ۇلىپ اكەتتى. 6-مينۋتتا ليندەن ۆەي ەسەپ اشقانىمەن, 10 جانە 16-مينۋتتاردا سەرگەي ساپەگو مەن تايلەر گراوۆاتس بەلورۋسسيالىق كوماندانى العا شىعاردى – 1:2. ۇزىلىستەن كەيىن كەرتيس ۆولك پەن رومان ستارچەنكو ۇيىمداستىرعان شابۋىلدى نيكيتا ميحايليس ءساتتى اياقتاپ, تارازى باسىن تەڭەستىردى – 2:2. بۇل ەسەپ ويىننىڭ سوڭىنا دەيىن ساقتالدى. وۆەرتايمدا دا جەڭىمپاز انىقتالعان جوق. ال بۋلليت سوعۋ بارىسىندا «بارىستىڭ» باعى جاندى – 3:2.
وسىلايشا, 31 كەزدەسۋدەن كەيىن 28 ۇپاي جيعان ەلوردالىق حوككەيشىلەر تۇراقتى بىرىنشىلىكتىڭ جارىس كەستەسىندە 18-ورىندى يەلەنۋدە.