قارجىلىق مونيتورينگ اگەنتتىگىنىڭ قوستاناي وبلىسى بويىنشا اۋماقتىق دەپارتامەنتىنىڭ قىزمەتكەرلەرى «قازىنا» جەدەل-الدىن الۋ شاراسىن جۇرگىزۋ بارىسىندا اۋليەكول اۋىلىنداعى «اۋليەكول اۋدانىنىڭ ۆەتەريناريالىق ستانتسياسى» كمك-دا بيۋدجەت قاراجاتىن جىمقىرۋ دەرەگىن انىقتادى, دەپ حابارلايدى Egemen.kz اگەنتتىكتىڭ ءباسپاسوز قىزمەتىنە سىلتەمە جاساپ.
ۆەتستانتسيانىڭ باس بۋحگالتەرى ج.اقمۋرزينا وزىنىڭ قىزمەتتىك جاعدايىن پايدالانا وتىرىپ, ءوزىنىڭ جەكە شوتىنا جانە ۆەتستانتسيا قىزمەتكەرلەرىنىڭ كارتوچكالىق شوتتارىنا اقشالاي قاراجاتتى زاڭسىز اۋدارعان.
بۇل رەتتە, تولەمدەردىڭ نەگىزى «قۇرىلىس قىزمەتتەرى ءۇشىن تولەم» دەپ كورسەتىلدى, بىراق قىزمەت كورسەتۋ بويىنشا راستايتىن قۇجاتتار جوق.
ناتيجەسىندە ج.اقمۋرزينا مەملەكەتتىك بيۋدجەتتەن 7,3 ميلليون تەڭگەدەن استام قاراجات جىمقىردى.
باس بۋحگالتەر 3 جىلعا باس بوستاندىعىنان ايىرىلدى.