اقش-تىڭ حيۋستون قالاسىندا ۇستەل تەننيسىنەن الەم چەمپيوناتى باستالدى. تاريحتا العاش رەت 120 ەر ادام مەن 118 ايەل ادام پلەي-وفف فورماتىندا سىنعا تۇسۋدە. بۇل ەرەجە بويىنشا سپورتشى ءبىر جەڭىلىستەن سوڭ جارىستى اياقتايدى دەپ حابارلايدى Egemen.kz ۇوك-كە سىلتەمە جاساپ.
اتالعان سىنعا قازاقستان اتىنان زاۋرەش اقاشەۆا مەن اناستاسيا لاۆروۆا قاتىسىپ جاتىر. وكىنىشكە قاراي, لاۆروۆا العاشقى كەزدەسۋدە جاسوسپىرىمدەر وليمپياداسى مەن جاستار اراسىنداعى الەم چەمپيوناتىنىڭ جۇلدەگەرى, رۋمىنيالىق اندرەيا دراگومانعا 3:4 ەسەبىمەن جول بەردى.
ال اقاشەۆا ءبىرىنشى ماتچتا پانامەريكا ويىندارىنىڭ چەمپيونى, پۋەرتو-ريكو وكىلى دانيەليا ريوستى 4:1 ەسەبىمەن جەڭدى. 1/32 فينالدا زاۋرەش جۇپتىق سىنداعى توكيو وليمپياداسىنىڭ چەمپيونى, جاپوندىق يتو ميمامەن كەزدەسەدى.