پاۆلودار قالاسىنىڭ 40 جاستاعى تۇرعىنى ءتۇن ىشىندە مىلتىقتان وق اتقان, دەپ حابارلايدى Egemen.kz.
«24 قاراشادا ساعات 02:00-دە پاۆلودار پوليتسياسىنا پاۆلوۆ كوشەسىندەگى 38-ءۇيدىڭ اۋلاسىندا ساعات 00:42-دە بۇزاقىلىق نيەتپەن 40 جاستاعى ەر ادام 12 كاليبرلى «MOSSBERG» ماركالى مىلتىقتان اۋاعا ەكى رەت وق اتقانى تۋرالى حابارلاما كەلىپ ءتۇستى», دەپ حابارلادى پاۆلودار وبلىسى پوليتسيا دەپارتامەنتى باستىعىنىڭ ورىنباسارى راشاد وتەۋوۆ.
ونىڭ ايتۋىنشا, اتىس سالدارىنان ەشكىم زارداپ شەككەن جوق. مىلتىق تاركىلەندى. پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى بۇل فاكتى بويىنشا 40 جاستاعى ەر ادامعا قاتىستى قازاقستان رەسپۋبليكاسى قىلمىستىق كودەكسىنىڭ 2-تارماعى 3-بولىگىنىڭ 293-بابى «بۇزاقىلىق» بويىنشا سوتقا دەيىنگى تەرگەۋ باستالعانىن قوستى.
«وقيعانىڭ ءمان-جايى مەن سەبەپتەرى سوتقا دەيىنگى تەرگەۋ اياسىندا انىقتالادى», دەپ اتاپ ءوتتى ۆەدومستۆودا.