قاراعاندىدا 19 جاستاعى جىگىت زەينەتكەرگە شابۋىل جاساپ, ونىڭ اقشا سالىنعان سومكەسىن الىپ كەتكەن, دەپ حابارلايدى Egemen.kz.
Polisia.kz ءسايتىنىڭ مالىمەتىنشە, 21 قاراشادا قاراعاندى پوليتسياسىنا كوشەدە قاراقشىلىق شابۋىل جاسالعانى تۋرالى حابارلاما تۇسكەن.
«بەلگىسىز بىرەۋ 81 جاستاعى زەينەتكەردىڭ باسىنان سوعىپ, سومكەسىن الىپ كەتكەن. سومكەدە 12 مىڭ تەڭگە مەن قۇجاتتار بولعان. وقيعا ورنىنا جاقىن ماڭدا ورناتىلعان بەينەباقىلاۋ كامەرالارىنان كۇدىكتىنىڭ باعىتى انىقتالدى», دەلىنگەن حابارلامادا.
ءتارتىپ ساقشىلارى ءىزىن سۋىتپاي, 19 جاستاعى ەر ادامدى ۇستادى. ايعاقتى زات تاركىلەندى, ءجاسوسپىرىم زەينەتكەردى توناعانىن مويىندادى. قىلمىستىق كودەكستىڭ 191-بابى «توناۋ» بويىنشا قىلمىستىق ءىس قوزعالعان.