شىعىس قازاقستان وبلىسىندا قار, بوران, جولدىڭ كورىنۋ ناشارلىعىنا بايلانىستى اۆتوجول جابىلدى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگى حابارلادى, دەپ جازادى Egemen.kz.
23 قاراشا كۇنى ساعات 13:45-تەن باستاپ «وسكەمەن – ريددەر – رف شەكاراسى» اۆتوجولىنىڭ 129-191 شاقىرىمىندا, ياعني ريددەر قالاسى مەن رف شەكاراسى اراسىنداعى ۋچاسكەدە اۆتوكولىكتىڭ بارلىق تۇرلەرى ءۇشىن قوزعالىسقا تىيىم سالىندى.
«توتەنشە جاعدايلاردى بولدىرماۋ ماقساتىندا كولىك يەلەرىنە الىس ساپارعا شىقپاۋعا كەڭەس بەرىلەدى. وقىس جاعداي ورىن السا, 1403 ءنومىرى بويىنشا تاۋلىك بويى جۇمىس ىستەيتىن call-ورتالىققا حابارلاسۋعا بولادى», دەلىنگەن مينيسترلىك حابارلاماسىندا.