كونە شاھاردىڭ كوز تارتار سۇلۋلىعىن وبەكتيۆكە سىيدىرعان جاس شەبەرلەر «تۇرلەنگەن تاراز» رەسپۋبليكالىق بايقاۋىنا «ۇزدىك موبيلوگراف», «ۇزدىك درون ءتۇسىرۋشى», «ۇزدىك فوتوگراف» سەكىلدى 15 نوميناتسيادا دايىنداعان ماتەريالدارىن جولداعان, دەپ حابارلايدى Egemen.kz.
جەڭىمپازداردى ماراپاتتاۋ ءراسىمى «كونە تاراز» تاريحي-ەتنومادەني كەشەنىندەگى وبلىستىق تاريحي-ولكەتانۋ مۋزەيىندە ءوتتى.
جالپى بايقاۋعا قاتىسقان 46 ادامنىڭ ىشىنەن 15 قاتىسۋشى وزا شاۋىپ, ءار نوميناتسيا بويىنشا ۇزدىك اتاندى. ولاردىڭ ارقايسىسى كۇن ساناپ كوركەيىپ, جاڭا كەيىپكە ەنگەن تاراز قالاسىنىڭ بۇگىنگى كەسكىن-كەلبەتىن فوتو-ۆيدەو ماتەريالدار ارقىلى بارىنشا اسەرلى كورسەتە بىلگەن.
سونداي-اق بايقاۋدى ۇيىمداستىرۋعا بەلسەندى اتسالىسقانى ءۇشىن وبلىستىق «ARAI» جاستار گازەتىنىڭ ءفوتوتىلشىسى التىنبەك قارتاباي, دۋلات شيقپانبەتوۆ, ازات بايتەميروۆ, باقىتبەك سۋانبەكوۆ سىندى سالا ماماندارى دا ماراپاتتان تىس قالعان جوق.