قازاقستاندىق كاسىپقوي بوكسشى فيرۋزا شاريپوۆا META MMA-گە بەرگەن سۇحباتىندا الەمنىڭ ءابسوليۋتتى چەمپيونى كەتي تەيلوردى جەڭىپ, سەنساتسيا جاساۋعا نيەتتى ەكەنىن بايقاتتى, دەپ حابارلايدى Egemen.kz Meta-ratings.kz-كە سىلتەمە جاساپ.
«كەتي تەيلور – الەمنىڭ ءابسوليۋتتى چەمپيونى. ول شىن مانىندە مىقتى بوكسشى. بويىنداعى بارلىق مينۋسىن پليۋسكە اينالدىرا بىلگەن ۇزدىكتىڭ ءوزى. بىراق مەن بۇل شايقاسقا بار ىنتاممەن دايىندالىپ جاتىرمىن. بۇيىرتسا مەن ۇلكەن سەنساتسيا جاساپ, جانكۇيەرلەرىمدى قۋانتۋعا نيەتتىمىن», دەدى قازاقستاندىق سپورتشى ءوز ويىمەن ءبولىسىپ.
ەستەرىڭىزگە سالا كەتەيىك, تەيلور – شاريپوۆا اراسىنداعى جەكپە-جەك 11 جەلتوقسان كۇنى ۇلىبريتانيانىڭ ليۆەرپۋل قالاسىندا وتەدى.