تارتىلعان 43 ادامنىڭ 5-ءى وبلىستىق, 5-ءى قالالىق جانە 6-ۋى اۋداندىق دەڭگەيدەگى باسشىلار. بۇل تۋرالى سىبايلاس جەمقورلىققا قارسى ءىس-قيمىل اۋماقتىق دەپارتامەنتىنىڭ باسشىسى ارمان راحيموۆ 2021 جىلدىڭ 10 ايىنداعى جۇمىس قورىتىندىسى بويىنشا ونلاين-بريفينگ بارىسىندا مالىمدەدى, دەپ حابارلايدى Egemen.kz.
سپيكەردىڭ اقپاراتى بويىنشا, ەسەپتى كەزەڭدە ءوڭىردىڭ سىبايلاس جەمقورلىققا قارسى قىزمەتى 59 قىلمىستىق ءىستى تىركەدى, ونىڭ ىشىندە 42 - اۋىر جانە اسا اۋىر قىلمىستار. قىلمىستىڭ كوپ بولىگى ۇرلىق پەن الاياقتىق, سونداي-اق پاراقورلىق فاكتىلەرىمەن بايلانىستى. 21 ادامعا قاتىستى 36 ءىس سوتقا جولداندى.
سونداي-اق, وبلىستىڭ انتيكورىمەن جۇيەلى سىبايلاس جەمقورلىقتىڭ 6 فاكتىسى تىركەلدى, وندا 14 قىلمىس انىقتالدى جانە 17 ادام تارتىلدى, مەملەكەتتىك ورگانداردىڭ لاۋازىمدى تۇلعالارى تاراپىنان شوب قىزمەتىنە زاڭسىز ارالاسۋدىڭ 8 فاكتىسى, لاۋازىمدى تۇلعالاردىڭ «كولەڭكەلى» ەكونوميكا سۋبەكتىلەرىنە قامقورلىعىنىڭ 3 فاكتىسى انىقتالدى. مەملەكەتتىك باعدارلامالاردى ىسكە اسىرۋدى سۇيەمەلدەۋ اياسىندا 14 قىلمىس تىركەلدى. ەسەپتى كەزەڭنىڭ قورىتىندىسى بويىنشا 1 ملرد تەڭگەدەن استام سوماعا زالالدى وتەۋ قامتاماسىز ەتىلدى.
«جالپى, وتكەن جىلمەن سالىستىرعاندا سىبايلاس جەمقورلىق قۇقىق بۇزۋشىلىقتارى تومەندەۋىنىڭ وڭ ديناميكاسىن اتاپ وتكىم كەلەدى, بۇل ءۇردىس تەك وڭىردە عانا ەمەس, رەسپۋبليكا بويىنشا دا بايقالادى. بۇل مەملەكەتتىك باسقارۋ وكىلدەرىنىڭ دە, سونداي-اق نەمقۇرايدى ەمەس ازاماتتاردىڭ دا سىبايلاس جەمقورلىقتىڭ الدىن الۋ اياسىنداعى جۇمىسىنىڭ ناتيجەسى», دەدى سپيكەر.
تىكەلەي ەفيردە وتكەن بريفينگ بارىسىندا ارمان راحيموۆ مەملەكەتتىك ورگانداردىڭ قر قىجك 200-بابىنىڭ تارتىبىندە ۇسىنىستار ەنگىزۋ ارقىلى سىبايلاس جەمقورلىق قۇقىق بۇزۋشىلىقتاردىڭ قايتالانعان جاعدايلارىنا جول بەرمەۋ شارالارى تۋرالى حاباردار ەتتى.
وسى جىلدىڭ 10 ايىندا وبلىستىڭ سىبايلاس جەمقورلىققا قارسى قىزمەتى 49 ۇسىنىس ەنگىزدى. مەملەكەتتىك قىزمەتكەرلەر مەن ءتۇرلى ۇيىمدار قىزمەتكەرلەرىنىڭ قاتىسۋىمەن 28 كەزدەسۋ وتكىزىلدى. جۇرگىزىلگەن جۇمىس ناتيجەلەرى بويىنشا 41 لاۋازىمدى تۇلعا, ونىڭ ىشىندە 23 باسشى تارتىپتىك جاۋاپكەرشىلىككە تارتىلدى. 7 لاۋازىمدى تۇلعا قىزمەتتەن بوساتىلىپ, اتقاراتىن قىزمەتىنەن بوساتىلدى. جارتىسىنان كوبى سوگىس پەن ەسكەرتۋ الدى, 11 ادامعا قىزمەتكە تولىق سايكەس ەمەستىگى تۋرالى ەسكەرتىلدى.
دەپارتامەنت باسشىسىنىڭ ايتۋىنشا, اعىمداعى جىلدىڭ باسىنان بەرى سىبايلاس جەمقورلىق فاكتىلەرى تۋرالى حابارلاعان 8 اقمولالىق 980 مىڭ تەڭگەگە جۋىق قاراجات الدى.
«وسى تۇرعىدا, ازاماتتاردى بەلسەندى ازاماتتىق ۇستانىم تانىتۋعا جانە سىبايلاس جەمقورلىقتىڭ ءاربىر بەلگىلى فاكتىسى تۋرالى اگەنتتىكتىڭ 1424 Call-ورتالىعىنا نەمەسە وڭىرلىك سىبايلاس جەمقورلىققا قارسى قىزمەتكە حابارلاۋعا شاقىرامىن. دەپارتامەنت ءوز تاراپىنان ءاربىر جاعداي بويىنشا ءتيىستى شارالار قابىلداناتىنىنا سەندىرەدى», دەدى ارمان راحيموۆ.